Mchakato wa hatua 5 wa Airbnb wa kufanya usafi wa kina

Mchakato wa kufanya usafi wa hatua 5 ni mkusanyo wa mazoea ya kufanya usafi ambayo Wenyeji wote wanahitajiwa kufuata baada ya mgeni kuondoka na kabla ya mwingine kuingia, pamoja na sheria na miongozo ya eneo husika.

Maelezo kuhusu njia bora ya kufanya usafi yanaweza kupatikana katika Kitabu cha mwongozo wa kufanya usafi cha Airbnb, kinachojumuisha orodha kaguzi za kufanya usafi wa kina.

Unaweza pia kupata kitabu cha mwongozo pamoja na vidokezi, video na kadhalika kwa kutembelea Vidokezi > Kufanya usafi kutoka kwenye akaunti yako ya Kukaribisha Wageni kwenye kivinjari cha wavuti.

Hatua ya 1: Jitayarishe

Matayarisho mazuri yanaweza kukusaidia wewe pamoja na timu yako kufanya usafi kwa ufanisi na usalama zaidi. Hakikisha kwamba:

• Unaacha hewa safi iingie kwenye sehemu hiyo kabla na wakati wa kufanya usafi, pale inapowezekana
• Tumia dawa za kuua viini zilizoidhinishwa na wakala wa udhibiti wa eneo lako kwa ajili ya matumizi dhidi ya COVID-19
• Daima soma kwa uangalifu maelekezo na maonyo yaliyo kwenye bidhaa zako za kufanya usafi
• Nawa mikono yako au uitie dawa ya kuua viini

Hatua ya 2: Safisha

Kufanya usafi ni kuondoa vumbi na uchafu kwenye sehemu mbalimbali, kama vile sakafu na sehemu za juu za kaunta. Hakikisha kwamba:

• Unafagia, unavuta vumbi na/au kupiga deki kwenye maeneo kabla ya kutakasa
• Unaosha vyombo na ufue nguo ukitumia joto la juu zaidi linalowezekana
• Unapangusa sehemu ngumu kwa sabuni na maji

Hatua ya 3: Takasa

Kutakasa ni pale unapotumia kemikali kupunguza bakteria zilizo kwenye sehemu mbalimbali kama vile vitasa vya milango na rimoti za televisheni. Hakikisha kwamba:

• Unanyunyizia sehemu zinazoguswa mara nyingi katika kila chumba kwa kutumia dawa ya kuua viini iliyoidhinishwa
• Iache dawa ya kuua viini ibaki kwa muda uliowekwa kwenye kibandiko cha bidhaa hiyo
• Iache sehemu hiyo ikaushwe kwa hewa

Hatua ya 4: Kagua

Mara baada ya kumaliza kutakasa, ni wazo zuri kuhakikisha kwamba umetakasa kila mahali. Hakikisha kwamba:

• Unarejelea mazoea bora katika kila orodha kaguzi ya chumba kwa chumba katika kitabu chako cha mwongozo ili kuhakikisha kwamba umetakasa kila mahali.
• Shiriki mazoea haya bora na timu yako ya kukaribisha wageni na wataalamu wa kufanya usafi

Hatua ya 5: Andaa upya

Ili kusaidia kuzuia maambukizi ya kuenea, ni muhimu ukamilishe kufanya usafi na kutakasa chumba kabla ya kubadilisha vifaa kwa ajili ya mgeni anayefuata.

• Unanawa mikono yako kabla ya kubadilisha vifaa vya wageni, vitambaa na vifaa vya kufanya usafi
• Unaondoa kwa njia salama au kusafisha vifaa vya usafi na vifaa vya kujikinga
• Usiingie tena kwenye chumba baada ya kutakaswa
• Unasafisha vifaa vyako baada ya mgeni kuondoka na kabla ya mwingine kuingia

Inahitajika kwa Wenyeji wote

Wenyeji ambao hawatakubali mazoea yetu ya usalama ya COVID-19, ikiwemo mchakato wa kufanya usafi wa kina wa hatua 5, hawataruhusiwa kukaribisha wageni.

Mazoea haya pia yanahitaji uvaaji wa barakoa na kuepuka mikusanyiko unapotakiwa kufanya hivyo na sheria au miongozo ya eneo husika.

Wenyeji ambao wanakiuka viwango vya kufanya usafi mara kwa mara au sana wanaweza kupewa onyo, kusimamishwa na wakati mwingine, akaunti zao zinaweza kuondolewa kwenye Airbnb.