Kinachotarajiwa kutoka kwa wenyeji wa nyumba na matangazo yao

Kila mwenyeji anapaswa kutimiza viwango hivi vya msingi ili wageni wake wawe na uzoefu wenye starehe na wa kutegemewa.

• Mawasiliano ya kuaminika: Wenyeji wanapaswa kuwa wanaotoa majibu na wawe tayari kujibu maswali kutoka kwa wageni au Airbnb ndani ya muda unaofaa na wafuate hatua zozote muhimu kutoka Airbnb ili kutatua matatizo.
• Matangazo sahihi: Nyumba, eneo, aina ya tangazo, viwango vya faragha na vistawishi vya mwenyeji vinapaswa kuakisi kwa usahihi kile ambacho kimeandikwa katika maelezo ya tangazo wakati wa kuweka nafasi. Wenyeji wanaweza tu kurekebisha maelezo kwa nafasi iliyowekwa iliyokubaliwa baada ya wageni kuridhia.
• Nyumba salama: Wenyeji wanawajibika kudumisha nyumba salama. Funguo au misimbo ya ufikiaji inapaswa kutolewa kwa sehemu zote kuu za kuingia.
• Uingiaji wa kuaminika: Wenyeji wanapaswa kuwapa wageni taarifa sahihi ili waweze kufikia sehemu zao za kukaa wakati wa kuingia (kwa mfano, misimbo sahihi ya kuingia, maelekezo yanayoeleweka). Wenyeji wanaopanga kukutana na wageni wakati wa kuingia wanapaswa kuhakikisha kwamba wanakuwepo katika muda waliokubaliana. Matumizi ya visanduku vya funguo au misimbo ya kuingia yanapaswa kubaki kuwa salama (kwa mfano, badilisha misimbo baada ya nafasi iliyowekwa kukamilika).
• Nyumba safi: Nyumba ya mwenyeji haipaswi kuwa na hatari za kiafya zinazojulikana (kwa mfano, kuvu, wadudu, wadudu waharibifu), ikidhi kiwango cha juu kabisa cha usafi na isafishwe kila baada ya nafasi iliyowekwa kukamilika.
• Nyumba salama: Wenyeji wa nyumba wanawajibika kudumisha nyumba isiyo na hatari za kiusalama (kwa mfano, kuzuiwa kwa milango ya kupita kukiwa na moto, hatari za shoti ya umeme, sumu ya panya). Hatari zinazopatikana kwenye nyumba (kwa mfano, sehemu za juu, sehemu za maji) lazima zifichuliwe katika maelezo ya tangazo. Kwa kuongezea, wenyeji lazima wafuate sheria na kanuni zote zinazotumika (kwa mfano, tangazo linapaswa kukidhi matakwa husika ya kanuni za moto). Pata maelezo zaidi kuhusu taarifa za usalama kwenye matangazo.
• Uidhinishaji: Airbnb inahitaji kwamba wenyeji wote waidhinishwe kukaribisha wageni na kwamba wenyeji wazingatie sheria zote zinazohusika. Kutumia mhusika mwingine kuweka nafasi ya hoteli au malazi ya mhusika mwingine na kuyatangaza kwenye Airbnb hakuruhusiwi. Wenyeji wanapaswa kuzingatia sheria mahususi za nyumba za pamoja au aina kama hizo za malazi wanapofikiria kutangaza au kutotangaza aina hizi za malazi kwenye Airbnb.
• Ustawi wa wanyama: Kitu chochote kinachowatumia vibaya wanyama hakina nafasi katika jumuiya yetu (kwa mfano, bustani za wanyama kando ya barabara, matukio ya kuwinda wanyama kwa ajili ya nyara). Wenyeji lazima wakidhi miongozo ya Airbnb kwa ajili ya ustawi wa wanyama. Pata maelezo zaidi kuhusu sheria za msingi kwa ajili ya wenyeji wa nyumba.

Tuko hapa kukusaidia

Ikiwa unashuhudia au unatendewa kwa njia ambayo inakwenda kinyume cha sera zetu, tafadhali tujulishe.