Matumizi ya kamera na vifaa vya kurekodi

Kusaidia kuwapatia Wenyeji na wageni utulivu wa akili, hatua za usalama kama kamera za usalama na vifaa vya ufuatiliaji kelele vinaruhusiwa, maadamu vinafichuliwa wazi katika maelezo ya tangazo na havikiuki faragha ya mtu mwingine. Sheria kuhusu vifaa zinahusu kamera zote, vifaa vya kurekodia, vifaa janja na vifaa vya kufuatilia.

Kile tunachoruhusu

• Vifaa vilivyofichuliwa vinavyofuatilia sehemu za umma na sehemu za pamoja: Vifaa vinavyoruhusu kutazama au kufuatilia sehemu ya umma pekee (mfano: mlango wa mbele, au njia ya kuendesha gari) au sehemu ya pamoja ambavyo vimetambuliwa wazi na kufichuliwa kabla ya kuweka nafasi vinaruhusiwa. Sehemu za pamoja hazijumuishi maeneo ya kulala au bafu.

Kile ambacho haturuhusu

• Vifaa vilivyofichwa na visivyojulikana vinavyofuatilia sehemu ya pamoja: Kifaa chochote kinachofuatilia sehemu ya pamoja kinapaswa kuwekwa katika eneo linaloonekana na kuelezwa katika maelezo ya tangazo.
• Vifaa vilivyo ndani au vinavyofuatilia sehemu za faragha: Vifaa havipaswi kufuatilia sehemu za faragha (kwa mfano: vyumba vya kulala, mabafu, au sehemu za pamoja ambazo zinatumika kama maeneo ya kulala, kama vile sebule yenye kitanda cha sofa).

Tuko hapa kukusaidia

Ikiwa wewe au mtu mwingine anahisi kutishiwa au hayuko salama, tafadhali kwanza wasiliana na mamlaka za utekelezaji wa sheria za eneo husika ili kupata usaidizi. Aidha, ikiwa unashuhudia au unapitia uzoefu wa tabia ambayo inakwenda kinyume cha sera zetu, tafadhali tujulishe.