Vidokezi vya usalama vya kuchagua eneo
Kusafiri kwa ujumla kunamaanisha kutumia wakati na pesa zako mwenyewe. Kwa hivyo unataka kuhakikisha kwamba unapata eneo linalokufaa. Hivi ni baadhi ya vidokezi vya kukusaidia kusafiri ukiwa na uhakika, ukijua kwamba umefanya uamuzi sahihi.
Tafuta kinachokufaa
Kwanza kabisa, pata sehemu ambayo inakidhi mahitaji yako kwa kutumia vichujio vyetu vingi vya utafutaji. Unapoona eneo unalolipenda sana, soma kwa uangalifu wasifu wa Mwenyeji na maelezo ya tangazo, ukizingatia hasa vistawishi, sheria za nyumba na sera ya kughairi.
Soma ukadiriaji na tathmini
Daima tunapendekeza usome maoni kutoka kwa wageni wengine kama njia bora ya kupata sehemu inayokufaa. Utapata ukadiriaji kuhusu vipengele vidogo kama vile usafi na usahihi, pamoja na tathmini za kina kutoka kwa wasafiri wenzako. Wageni wanaweza tu kuandika tathmini baada ya kukamilisha safari yao, kwa hivyo unaweza kuwa na uhakika kwamba maoni katika tathmini yanatoka kwa mtu ambaye kwa kweli alikaa hapo.
Je, unahitaji taarifa zaidi? Pata maelezo kuhusu jinsi tathmini za sehemu za kukaa zinavyofanya kazi.
Tathmini vipengele vya usalama
Ni vyema ukaangalia vigunduzi vya moshi na kaboni monoksidi kwenye nyumba hiyo, ambavyo unaweza kupata katika orodha ya vistawishi chini ya sehemu ya Usalama wa Nyumba.
Soma zaidi kuhusu vigunduzi vya moshi na kaboni monoksidi katika Kituo chetu cha Msaada.
Pata majibu kutoka kwa Mwenyeji
Nyenzo yetu ya kutuma ujumbe kwa usalama ni njia salama na rahisi kwako ya kumuuliza Mwenyeji mtarajiwa maswali yoyote ambayo unaweza kuwa nayo kabla ya kuweka nafasi. Baada ya kuweka nafasi, unaweza pia kumtumia ujumbe ili kuratibu mchakato wa kuingia, kuuliza maswali ya ziada na kuwasiliana wakati wote wa safari yako. Pata maelezo zaidi kuhusu kuwasiliana na Wenyeji.
Wasiliana na ulipe kila wakati kwenye Airbnb
Jiweke salama wewe mwenyewe, malipo yako na taarifa yako binafsi kwa kuendelea kutumia tovuti yetu iliyo salama katika mchakato wote, kuanzia mawasiliano hadi kuweka nafasi na malipo. Hupaswi kamwe kuombwa utume pesa kwa njia ya benki, kutoa taarifa za kadi ya benki au vinginevyo kumlipa Mwenyeji moja kwa moja. Ikiwa hali hii itatokea, tafadhali iripoti kwetu mara moja.
Fanya ukaguzi wa usalama
Mara baada ya kuwasili, ni vizuri kutafuta taarifa za usalama na vifaa vinavyofaa vya dharura, kama vile kizima moto au kisanduku chenye vifaa vya huduma ya kwanza. Ikiwa huna uhakika mahali kitu fulani kilipo, usisite kumuuliza Mwenyeji wako. Daima ni bora kuwa tayari.
Chunguza arifa za usafiri na maonyo ya eneo husika
Iwe unasafiri ukitumia Airbnb au la, ni jambo la busara kutafiti mahali uendako kabla ya wakati na uwasiliane na ubalozi wa nchi yako ili kupata maonyo yoyote ya usafiri au matakwa maalumu. Kwa mfano, wasafiri kutoka nchini Marekani wanapaswa kuwasiliana na Wizara ya Mambo ya Nje ya Marekani ili kupata taarifa za viza na maonyo ya usafiri. Pata maelezo zaidi kwenye ukurasa wetu wa usalama wa Mwenyeji na mgeni.
Tuko hapa ili kukusaidia
Ikiwa kuna jambo la dharura linaloendelea, tafadhali wasiliana na huduma za dharura za eneo lako au mamlaka za utekelezaji wa sheria ili upate usaidizi.
Kwa matatizo mengine ya usalama, tunapatikana saa 24 kwa siku. Soma zaidi kuhusu jinsi ya kuwasiliana nasi katika Kituo chetu cha Msaada.
Kumbuka: Katika hali ya dharura au ikiwa usalama wako binafsi unatishiwa, wasiliana mara moja na polisi wa eneo husika au huduma za dharura.
Makala yanayohusiana
- Mgeni
Vidokezi vya usalama kwa Wenyeji wa sehemu za kukaa
Pata taarifa kuhusu majukumu ya kukaribisha wageni, pamoja na mazoea bora ili kuhakikisha wageni wako wana taarifa na nyenzo wanazohitaji. - Mgeni
Usalama wa Wenyeji na wageni
Ili kusaidia kuhakikisha ukaaji salama, matukio na maingiliano, shughuli fulani na tabia haziruhusiwi katika jumuiya yetu. - Mgeni
Ikiwa hujihisi salama wakati wa safari
Iwapo unahisi kama unaweza kuwa hatarini au usalama wako binafsi unatishiwa, wasiliana na mamlaka za eneo husika mara moja.