Pata tathmini zaidi za nyota 5

Wenyeji Bingwa, wajasiriamali na wabunifu wa mambo ya ndani Catherine na Bryan Williamson wa Beginning in the Middle wamekuza biashara kwa kutoa sehemu za kukaa za nyota 5. Baada ya kukaribisha wageni 2,000 na zaidi, wako hapa kusimulia kisa chao na kutoa vidokezi vya kitaalamu kuhusu jinsi ya kufanya nyumbani kwako pawe pa kukumbukwa.

Catherine: "Sisi kuanza biashara yetu ya Airbnb na kampuni ya ubunifu ilikuwa ni ajali ya furaha tuliyoiangukia. Mwaka 2013, tulihama kutoka Jiji la New York kwenda Columbus, Ohio—hapo ndipo Bryan alipolelewa awali. Tulikuwa tunataka sehemu zaidi, vilevile kutafuta eneo ambapo tungeweza kuweka makazi ya kudumu na kuunda kitu chetu"

Bryan: “Tulinunua nyumba yenye vyumba vitatu na tukajikuta tunahitaji kulipa kiasi fulani cha deni lililosalia. Lakini hatukupenda wazo la kuwa na mkazi-mwenza wa wakati wote.”

Catherine: “Mmoja wa rafiki zangu alimjua mtu ambaye alikuwa anatangaza chumba chake cha ziada kwenye Airbnb na akapendekeza tujaribu. Wakati huo, hatukujua Airbnb ni nini. Bryan na mimi tulifikiri hivi: ‘Sawa, ikiwa sehemu yetu itawekewa nafasi kwa idadi ya usiku 10 tu mwaka huu, hilo litakuwa jambo zuri sana…’”

Bryan: "Tuliitangaza na kulikuwa na uhitaji mkubwa. Muda mfupi baadaye, tukatangaza nyumba yetu yote. Tulikuwa tukichunguza na kukaa katika moteli mbalimbali jijini Columbus hadi tukapata ile ambayo haikuwa mbaya sana. Ilifikia wakati ambapo tulikuwa tukikaa hapo kwa wiki kadhaa kwa wakati mmoja. Tuliwajua wafanyakazi wote wa hoteli. Lakini kwa kweli maisha hayo hayakuwa endelevu.”

Catherine: "Tulilipa deni letu na hatimaye tukanunua nyumba nyingine. Baada ya miaka kadhaa, tumebadilisha na kuuza nyumba kadhaa na tukaweka tunazopenda kwenye Airbnb. Tuliacha kazi zetu za kuajiriwa, tukaunda studio yetu ya ubunifu wa mambo ya ndani (Mix Design Collective), kampuni yetu ya upangishaji wa likizo (The Village Host) na tukaanzisha blogu yetu (Beginning in the Middle).”

Bryan: "Sisi kwa kweli tunajali zaidi kuunda uzoefu maalumu kwa ajili ya kila mgeni wetu. Na shauku hiyo ya ukarimu imetuwezesha kuunda maisha ambayo tunayapenda kweli. Kama mwenyeji, bila kujali kama una nyumba za kifahari sana, ikiwa unaweza kutoa sehemu ya kukaa ya kipekee, utaona tathmini zako na kiwango cha watu kuweka nafasi kwenye sehemu yako kikiongezeka."

Catherine: "Moja kati ya siri za kupata tathmini ya nyota 5 ni kuweka matarajio ya wageni kabla hawajabofya kitufe cha Weka Nafasi. Nyumba zetu ni za zamani na tumefanya mambo mengi ili zionekane kama nyumbani, za kustarehesha na za kupendeza. Lakini si kamilifu, kwa hivyo tunajaribu kutoa taarifa nyingi mapema kadiri iwezekanavyo. Kwa mfano, tuna milango na madirisha yanayotoa sauti."

Bryan: "Mabafu yetu ni madogo. Moja ya nyumba zetu ina ukuta mmoja na jirani. Tunaeleza hayo ili watu wachukue tahadhari na wajihadhari na kelele. Sherehe HAZIRUHUSIWI."

Catherine: "Tuna hodhi la zamani lenye mguu ambalo ni refu kidogo ukilinganisha na hodhi la kawaida, iwapo wageni wana mahitaji ya ufikiaji. Watu wengine wanaweza kukerwa na kasoro hizi. Watu wengine huenda wasijali—lakini tunajaribu kuzungumza na mtu ambaye tunajua atafurahia kitongoji hiki na nyumba."

Bryan: “Kuwasiliana na wageni kwa haraka na kwa uwazi ni sehemu muhimu ya uzoefu wa nyota 5. Kunasaidia kuwaonyesha wageni wako kwamba kujali kwako hakubadiliki.”

Catherine: "Watu wanakaa na wewe kwa muda mfupi tu na mara nyingi ni kwa kitu ambacho ni muhimu, kwa hivyo hutotaka mtu akae hadi kufikia nusu ya ukaaji wake bila kupata jibu kutoka kwako au kufanyiwa marakebisho ya kitu fulani. Mimi ni mtu ninayejibu ndani ya dakika 5, lakini ikiwa unadhani hutaweza kuwajibu watu ndani ya muda unaokubalika, fikiria kumleta mwenyeji mwenza ili akusaidie kujibu barua pepe na ujumbe wako. Tunafanya kila tuwezalo kuwaonyesha kuwa tuko hapa na kwamba tunajali. Na wakati mwingine hiyo inamaanisha kuacha kile unachofanya ili utoe uzoefu wa nyota 5."

Pata maelezo kuhusu kufanya kazi na mwenyeji mwenza

Catherine: "Linapokuja suala la mapambo yako na sehemu, jambo muhimu kabisa ni kwamba wageni wahisi kana kwamba ni kwao wanapokuwa hapo. Tumia wakati na juhudi ili kupamba kwa samani ambazo zinaonekana kuwa za kipekee, zikiwa zimewekwa vizuri na kwa mguso wa pekee”

Bryan: "Hiyo haimaanishi unahitaji kuenda na kukarabati upya jiko lote kwa marumaru au kubadilisha kila kitu kuwa cha gharama ya juu. Nadhani jambo muhimu zaidi ni kwamba ni safi, linastarehesha na halina mrundiko wa vitu”

Catherine: "Linapaswa kuonekana kana kwamba liliandaliwa hasa kwa ajili yao. Chukua muda kuondoa picha binafsi, kumbukumbu za familia, vitu vidogovidogo, vitu visivyotumika na kitu chochote ambacho wageni wanaweza kuhisi wapo kwenye nyumba ya mtu mwingine."

Bryan: “Kipengele kimoja muhimu kinachofaa kuwekeza kwacho ni kitanda kizuri. Halafu si lazima liwe godoro la bei ghali, lakini tutaongeza tandiko la juu na kujumuisha aina mbili za mito: iliyojazwa manyoya na iliyojazwa nyuzi ndogo za poliesta.”

Catherine: "Kwa mashuka, kwa kawaida huwa tunafanya angalau idadi ya nyuzi 300, idadi ambayo hoteli nyingi hutumia. Yanapaswa kuhisi vizuri kwenye ngozi na si kama msasa, kwa sababu mwishowe watu wanaweka nafasi kwenye eneo lako ili walale hapo. Na kama tunavyojua, hasa wazazi, pumziko zuri la usiku ni starehe.”

Catherine: "Watu wanapokuja kukaa kwako, kumbuka kwamba haushiriki tu nyumba yako, bali pia unashiriki uzoefu katika jiji lako. Tunajaribu kuufanya uwe uzoefu wa kibinafsi zaidi pale tunapoweza. Biashara ndogondogo ni sehemu kubwa ya vinasaba vyetu hapa Columbus — kwa hivyo tunafurahi kumhusisha kila mtu.”

Bryan: "Wakati mwingine tunawaachia wageni sampuli ndogo ya vitu vya eneo letu tunavyovipenda: kadi za zawadi za duka la kahawa ili kuwatia moyo wachunguze kitongoji hicho. Nyumbani kwetu tunaweka akiba ya shampuu, mafuta ya kulainisha nywele na sabuni ya kunawia uso kutoka katika kampuni ya eneo letu inayoitwa Cliff Original. Tuna sabuni ya kipande ya asili kutoka katika kampuni inayoitwaGlenn Avenue. Tuna seti ya vitabu vya Mradi wa Kitabu cha Columbus, ambayo ilitengenezwa na mjasiriamali wa eneo letu ikiangazia wasanii wa eneo letu. Columbus ni jiji ambalo si maarufu sana, lakini ni eneo zuri la kuishi, kukua, kuzuru na lina mambo mengi ya kutoa."

Catherine: "Tunapenda kuwaonyesha watu Columbus kupitia mtazamo wetu na tunapenda pale tunapounda uzoefu ambao unawafanya watu waseme, 'Ningependa kuhamia Columbus.'"

Bryan: "Wazo jingine tunalolishughulikia ili kuileta pamoja jumuiya ya Columbus ni kutumia makazi yetu kama jumba la sanaa au klabu bora ili kuwatangaza wasanii wa eneo hili ambao vinginevyo kazi zao haziwezi kuonekana. Tunataka kuonyesha kazi kadhaa za sanaa katika kila nyumba na kuzihamisha kila baada ya miezi kadhaa. Kuwa mbunifu na fikiri namna ambavyo nyumba yako inaweza kuakisi ladha ya eneo lako”

Bryan: “Licha ya nia yako nzuri kabisa na jitihada za kuunda uzoefu wa nyota 5, elewa kuwa dharura zitatokea na utapaswa kuzitatua, iwe ni kiyoyozi kilichovunjika au mgeni aliyevunjika moyo. Miongoni mwa hali zetu mbaya kabisa ambazo tumewahi kuzipitia ilikuwa ni bomba hili kubwa kupasuka. Lilisababisha mafuriko kwenye nyumba wakati wa ukaaji wa mgeni. Walitupigia simu kila wakati…”

Catherine: “… Lakini simu yangu haikuwa na chaji.”

Bryan: “… Na ulikuwa usiku wa harusi yao.”

Catherine: “Ilikuwa mbaya sana. Ilikuwa uzoefu mkubwa wa kujifunza kwetu. Wakati mambo hayo yanatokea, omba msamaha na utumie busara yako kuamua iwapo wanapaswa kulipwa fidia au ikiwa zawadi kama vile biskuti, chupa ya mvinyo, au cheti cha zawadi cha kwenda kwenye chakula cha jioni kitasaidia. Ikiwa wageni kweli walikuwa na wakati mbaya, basi tutawarejeshea fedha, lakini kwa kawaida hali hiyo haitokei.”

Bryan: "Tunajaribu kutumia kanuni ya kuwapa wageni wetu uzoefu ambao tungependa ikiwa tungekuwa tunakaa katika nyumba yetu. Kukaribisha wageni ni namna yetu ya kuonyesha sanaa na ubunifu. Tunakuwa makini kabisa tunapotayarisha sehemu hizi kisha tunazitangaza ulimwenguni ili watu wazione. Ni jambo kubwa sana kwetu tunapopokea shukrani kutoka kwa wageni wetu."

Catherine: "Kupata tathmini ya nyota 5 huthibitisha tu kila kitu tunachofanya. Tunapokuwa katika hali ya ukarabati, unatumaini kwamba mtu fulani atathamini kazi ya ziada tunayofanya. Na ninadhani ikiwa unazingatia tu ukubwa wa uwekezaji wa mali isiyohamishika, basi ni rahisi kupuuza baadhi ya vipengele hivi vya ziada."

Bryan: “Kukaribisha wageni si rahisi. Ni kazi nyingi sana.”

Catherine: "Lakini pia imetunufaisha sana na kubadilisha maisha yetu. Imetuwezesha kuendeleza shauku yetu ya ubunifu wa ndani ya nyumba na kugundua upendo wetu wa huduma ya kukaribisha wageni. Imetupa uwezo wa kuanzisha biashara yetu na kuendelea kukua. Nadhani kama isingekuwa Airbnb, tungekuwa na wakati mgumu sana wa kushughulika na ulimwengu wa kumiliki biashara ndogo na kuweza kuikuza. Imetusaidia kuelewa utaalamu wetu, ambao ni kwamba tunapenda sana kukarabati nyumba kwa ajili ya watu wengine kufurahia."

Bryan: "Tumeweza kutumia shauku yetu ya ujasiriamali na ubunifu wetu. Jambo zuri zaidi kuhusu hali hizo zote ni kuweza kufanya kitu unachokipenda na kukifanya kwa ajili yako mwenyewe.”

Catherine: "Tunatumaini vidokezi hivi vitakusaidia upate tathmini zaidi za nyota 5."

Kila la heri katika kukaribisha wageni!
Catherine, Bryan + Bianca