Tathmini bei yako

Bei inayopendekezwa wakati wa Anza Kutumia Airbnb inategemea mambo kama vile mahali, vistawishi na uhitaji wa wageni kwa matangazo sawia. Daima una udhibiti wa bei yako na unaweza kuibadilisha wakati wowote.

Ikiwa unaweka bei ya juu zaidi kwenye sehemu yako kuliko zile zinazofanana nayo zilizo karibu nawe, huenda ukakosa kuwekewa nafasi. Tathmini bei yako sasa na ufikirie kuirekebisha mara kwa mara ili kutimiza malengo yako ya mapato.

Kuelewa uhitaji wa mahali husika kunaweza kukusaidia kupanga bei ya sehemu yako kwa ushindani.

Nenda kwenye kalenda yako ili uone bei za wastani za matangazo sawia yaliyo karibu kwenye ramani. Unaweza kuchagua kuona maeneo ambayo yamewekewa nafasi au ambayo hayajawekewa nafasi kwenye tarehe unazochagua. Sababu nyingi huamua ni matangazo gani yanayofanana, ikiwemo mahali, ukubwa, vipengele na vistawishi.

"Kujua kinachotokea katika eneo langu hunipa ujasiri zaidi kwenye bei yangu," anasema Felicity, mwanabodi wa Bodi ya Ushauri ya Wenyeji na Mwenyeji Bingwa huko New South Wales, Australia. "Nitajua ikiwa nina bei nzuri kwa hivyo niendelee kushikilia msimamo wangu, au ikiwa ninahitaji kushusha bei yangu."

Unapotathmini bei yako, zingatia:

• Mielekeo ya msimu. Unaweza kurekebisha bei yako ili ilingane na mahitaji. Lisa, Mwenyeji Bingwa huko Accord, New York, anasema anaweka bei yake juu wakati wa kiangazi kwa sababu ana bwawa na kuishisha wakati wa baridi ili "aendelee kuwekewa nafasi kwa mwaka mzima."

• Jumla ya bei ambayo wageni wanalipa. Hii ni pamoja na ada za huduma za Airbnb, kodi, na ada zozote za ziada, kama vile ada za usafi au mnyama kipenzi. Chagua tarehe yoyote (zozote) kwenye kalenda yako ili upate mchanganuo wa bei, ikiwemo kile ambacho wageni wanalipa.

• Thamani ya eneo lako. Kufanya mabadiliko kunaweza kusaidia kuwavutia wageni zaidi. "Ubunifu na vistawishi ni njia nzuri ya kupandisha bei yako na kuwekewa nafasi," anasema Katie Kay, mwanabodi wa Bodi ya Ushauri ya Wenyeji na Mwenyeji Bingwa huko Lake Arrowhead, California.

Kipengele cha Upangaji bei Kiotomatiki kinaweza kukusaidia kubadilisha bei yako kiotomatiki. Nyenzo hii inatumia mamia ya mambo kurekebisha bei yako mara kwa mara kulingana na mahitaji. Unaweka kiwango cha bei yako na unaweza kuiwasha na kuizima kwa tarehe yoyote.

Baadhi ya Wenyeji huweka bei ya chini ya kuanzia kabla ya tangazo lao kuwa na tathmini nyingi za kuwashawishi wageni waweke nafasi. Matangazo na mapunguzo pia yanaweza kusaidia kuwavutia wageni. Haya yanajumuisha:

• Promosheni ya tangazo jipya. Pata punguzo la asilimia 20 kwenye bei yako ya kila usiku kwa nafasi tatu za kwanza zilizowekwa. Hii inaweza kukusaidia kupata tathmini haraka.

• Punguzo kwa watakaowahi. Unachagua muda ambao wageni wanapaswa kuweka nafasi mapema, kuanzia mwezi mmoja hadi miezi 24 kabla ya kuingia.

• Punguzo la dakika za mwisho. Jaza mapengo kwenye kalenda yako kwa taarifa ya muda mfupi, kuanzia siku moja hadi siku 28 kabla ya kuingia.

• Mapunguzo ya kila wiki na kila mwezi. Weka punguzo la asilimia fulani kwenye jumla ya nafasi zilizowekwa za usiku saba au zaidi na usiku 28 au zaidi.

"Ninapata ukaaji wa muda mrefu kwa kutoa mapunguzo ya kila wiki na kila mwezi," anasema Daniel, mwanabodi wa Bodi ya Ushauri ya Wenyeji na Mwenyeji Bingwa katika Visiwa vya Kanari, Uhispania. "Kwa kawaida wageni huishia kuweka nafasi kwa wiki moja, na huo ni ushindi mdogo."

Taarifa zilizomo kwenye makala haya zinaweza kuwa zimebadilika tangu zilipochapishwa.