Liwezeshe tangazo lako lionekane

Liwezeshe tangazo lako lionekane katika utafutaji wa wageni kwa kuweka picha nzuri na vistawishi maarufu. Maelezo haya huwasaidia wageni kuamua iwapo sehemu yako inakidhi mahitaji yao.

Picha ni mojawapo ya sehemu muhimu zaidi za tangazo lako. Hivi ndivyo unavyoweza kuzitumia kuwavutia wageni na kusaidia kuvutia uwekaji nafasi zaidi.

• Onyesha eneo lako kwa ubora wake. Pata nyakati za siku ambapo vyumba vyako vinapata mwangaza wa asili zaidi, vuta vifuniko vya dirisha na uondoe mparaganyo.
• Andaa vizuri maudhui yako. Lenga mchanganyiko wa picha pana na za karibu, zikiweka kitu husika katikati ya fremu. Piga picha kwa usawa wa macho, bila kuangaza juu au chini.
• Toa ziara ya picha. Piga picha za kila sehemu ambayo wageni wanaweza kufikia. Ziara ya picha ya Airbnb inayowezeshwa na Akili Bandia (AI) hupanga picha zako papo hapo kulingana na chumba ili kuwasaidia wageni waelewe mpangilio.

Pata vidokezi zaidi kuhusu jinsi ya kupiga picha nzuri za tangazona ujue jinsi ya kufanya kazi na mpiga picha mtaalamu kupitia mpango wetu wa kupiga picha za kitaalamu.

Unapotengeneza tangazo lako, unaombwa uchague kutoka kwenye orodha fupi ya vistawishi maarufu. Baada ya kuchapisha tangazo lako, hakikisha unaweka vistawishi vyako vilivyosalia kutoka kwenye orodha kamili ya karibu 150.

Wageni wengi wanatumia vichujio kutafuta maeneo ambayo yana vistawishi na vipengele wanavyotaka. Kukamilisha orodha yako ya vistawishi husaidia tangazo lako lionekane zaidi katika matokeo ya utafutaji na kuweka matarajio ya wageni.

Vistawishi maarufu ambavyo wageni wanatafuta kila wakati kwenye Airbnb ni pamoja na:

• Wifi
• Bwawa
• Jakuzi
• Jiko
• Televisheni au televisheni ya kebo
• Kiyoyozi
• Mashine ya kuosha na kukausha
• Maegesho ya bila malipo
• Kuingia mwenyewe

Tumia kichwa na maelezo yako kueleza kile kinachofanya sehemu yako kuwa maalumu.

• Fanya kichwa kiwe kifupi. Kwa mfano, "Roshani ya kisasa inayotazama katikati ya jiji" kinatumia maneno machache rahisi yanayojieleza. Tumia herufi kubwa kwa herufi ya kwanza ya neno la kwanza pekee katika kichwa chako, pamoja na majina rasmi. Epuka emoji, ishara na herufi kubwa zote.
• Zingatia vipengele maalumu. Unaweza kuangazia eneo lako au kistawishi maarufu katika kichwa chako, kama vile "Nyumba ya mbao yenye starehe iliyo na jiko la mpishi."
• Andika kimazungumzo. Eleza katika maelezo yako jinsi ilivyo kukaa kwako kana kwamba unamwambia rafiki. Shiriki maelezo unayopenda zaidi.

Airbnb ina sheria za msingi ambazo wageni wote wanapaswa kufuata. Ziko dhahiri na fupi: Wageni wanapaswa kuichukulia nyumba yako kama yao wenyewe na kukubali sheria za kawaida za nyumba yako wanapoweka nafasi.

Sheria za nyumba yako huwasaidia wageni kuelewa kile unachoruhusu katika sehemu yako. Sheria hizi lazima zipatane na masharti ya huduma ya Airbnb na sera ya kutobagua.

Chagua kutoka kwenye orodha ya Airbnb ya sheria za kawaida za nyumba katika maeneo haya:

• Wanyama vipenzi
• Matukio
• Uvutaji sigara, uvutaji sigara za mvuke na za kielektroniki
• Saa za utulivu
• Saa za kuingia na kutoka
• Idadi ya juu ya wageni
• Kupiga picha na kurekodi video za kibiashara

Unaweza kuandika sheria za ziada katika mipangilio ya tangazo lako ikiwa una maelekezo maalumu ambayo hayajawekwa katika sheria za kawaida za nyumba.

Taarifa zilizomo kwenye makala haya zinaweza kuwa zimebadilika tangu zilipochapishwa.