Jinsi ya kuboresha tangazo lako unapoendelea

Wenyeji waliofanikiwa wanajua tangazo lao halikamiliki kamwe—wanapata fursa za kuliboresha katika kila hatua. Unaweza kufanya mabadiliko kwenye tangazo lako ili kuangazia vipengele maarufu, kuonyesha mabadiliko yoyote kwenye sehemu yako au kuwa na ushindani zaidi.

Hujui uanzie wapi? Haya ni baadhi ya mawazo:

Wageni huwa hawasomi maelezo yako kila wakati, lakini bila shaka watapitia (na kuchunguza!) picha zako. Kwa hivyo ikiwa umebuni upya sehemu yako hivi karibuni, umeongeza vistawishi vipya, au tu kama una muda kidogo au bajeti ya kutumia kwenye picha, fikiria kuweka picha mpya.

• Weka kipaumbele kwenye picha yako ya jalada. Picha yako ya jalada ndiyo inayoonekana kwanza katika matokeo ya utafutaji, kwa hivyo hakikisha inavutia umakini wa wasafiri.
• Weka maelezo mafupi. Maelezo mafupi husaidia wageni kupata taarifa muhimu kuhusu sehemu yako, kama ikiwa kuna kitanda aina ya King katika chumba kikubwa cha kulala kinachopakana na bafu au mashine ya kupendeza ya kutengeneza espresso jikoni.
  
• Ajiri mtaalamu. Picha za kitaalamu zinaweza kujilipa zenyewe. Angalia ikiwa Airbnb inatoa huduma ya upigaji picha za kitaalamu katika eneo lako.
• Piga picha kama mtaalamu. Kuna mengi unayoweza kufanya ili kuboresha picha zako za tangazo ukitumia simu mahiri. Pata picha bora za kupiga mwenyewe kupitiavidokezi hivi vya kupiga picha.

Jaribu kuweka maelezo ya tangazo lako kuwa sahihi na ya kisasa kadiri iwezekanavyo. Kwa mfano, ikiwa huwezi tena kufikia bwawa la kuogelea la jumuiya, hakikisha halitajwi popote.

• Rahisisha maelezo yako. Wageni wengi hawana wakati wa kusoma maelezo mengi, kwa hivyo zingatia vitu wanavyojali zaidi.
• Onyesha mtindo wako wa kukaribisha wageni. Kufikia sasa, pengine umeshajua kuwa wewe ni Mwenyeji wa aina gani. Usiogope kuruhusu haiba yako iangaze katika maelezo ya tangazo lako.
• Ongea na wageni unaotaka kuwavutia. Labda umekuwa ukikaribisha familia nyingi au wasafiri wa kikazi. Fikiria kurekebisha toni yako ili kuzungumza na aina hizo za wageni, na dokezea huduma ambazo zitawavutia zaidi.

Je, wageni wako wameomba kikausha nywele? Tathmini zao zimetaja kuwa hakuna birika? Haya yote ni maoni mazuri—yatumie kuamua utakachonunua kwa ajili ya sehemu yako na uhakikishe unafanya mabadiliko kwenye orodha yako ya vistawishi mara tu unapoviweka. Hivi ni baadhi ya vistawishi vinavyotafutwa sana:*

• Bwawa
• Wi-Fi
• Jiko
• Maegesho ya bila malipo
• Jakuzi
• Mashine ya kufua au mashine ya kukausha
• Kiyoyozi au kipasha joto
• Huduma ya kuingia mwenyewe
• Meza ya kufanyia kazi kwa kompyuta mpakato
• Wanyama vipenzi wanaruhusiwa

Ikiwa wewe ni mpya katika huduma ya kukaribisha wageni kwenye Airbnb, unaweza kufikiria kuweka bei ya kila usiku chini ya thamani ya soko ili kusaidia tangazo lako kuvutia zaidi. Ukishakaribisha wageni kwa muda fulani na kuwa na tathmini nzuri ili kuimarisha tangazo lako, fikiria kupitia tena bei yako ili kupata bei ya ushindani zaidi.

Algorithimu ya utafutaji ya Airbnb inazingatia zaidi ya ishara 100 ili kulinganisha wageni na matangazo wanayotaka.

Tumia maoni ya wageni—tathmini nzuri na zile ambazo haziridhishi—ili kukusaidia kurekebisha tangazo lako. Je, walisifu baraza lako la nje?Jaribu kuiweka kwenye picha. Kwa upande mwingine, labda wageni walishangaa kugundua kuwa eneo hilo halikufaa kwa ajili ya kwenda na kutoka kwenye uwanja wa ndege. Kuwa wazi zaidi kuhusu aina hii ya taarifa katika maelezo ya tangazo lako kutasaidia kuweka matarajio kwa wageni wa siku zijazo.

Ikiwa unaweza kutumia mafunzo haya ili kuboresha tangazo lako, utakuwa ukielekea kuwekewa nafasi zaidi, kuwa na wageni wenye furaha na kupewa ukadiriaji wa juu zaidi—na utakuwa unakaribia sana kupata hadhi ya Mwenyeji Bingwa.