Jinsi ya kuweka mkakati wa bei

Bei ni mojawapo ya vigezo vikuu ambavyo wageni huzingatia wakati wa kuchagua mahali pa kukaa. Haijalishi sehemu yako ni nzuri kiasi gani, ikiwa ina bei kubwa kuliko maeneo yanayofanana nayo yaliyo karibu, kuna uwezekano mkubwa wa kukosa kuwekewa nafasi.

Matangazo yenye bei ambazo zilibadilishwa mara nne mwaka 2022 yalikuwa na zaidi ya asilimia 30 ya usiku uliowekewa nafasi kuliko yale ambayo hayakubadilika.* Jaribu kutumia vidokezi hivi ili kujua mkakati wa kupanga bei unaokufaa.

Tumia kalenda yako kulinganisha bei yako na bei za wastani za matangazo kama yako yaliyo karibu kwenye ramani ya eneo lako. Unaweza kuchagua iwapo utaangalia matangazo yaliyowekewa nafasi au ambayo hayajawekewa nafasi.

Hapa kuna jinsi ya kulinganisha bei kwenye ramani:

• Chagua tarehe yoyote au masafa ya tarehe hadi usiku 31.

• Gusa au ubofye bei yako ya kila usiku, kisha kitufe kinachoonyesha kipini cha eneo kilicho na maneno "Matangazo sawia" na masafa ya bei.

Bei zinazoonyeshwa kwenye ramani zinaakisi bei ya wastani ya kila tangazo iliyowekewa nafasi au ambayo haijawekewa nafasi kwa tarehe zilizochaguliwa. Sababu zinazoamua ni matangazo gani yanayofanana ni pamoja na eneo, ukubwa, vipengele, vistawishi, ukadiriaji, tathmini na matangazo mengine ambayo wageni wanavinjari huku wakizingatia yako.

Kuelewa kile ambacho wageni wako wanalipa kunaweza kukusaidia kutoa thamani bora na kusaidia malengo yako ya mapato. Bei yao ya jumla ni pamoja na bei yako ya kila usiku, ada zozote za ziada unazoweka (kwa ajili ya kufanya usafi, wageni wa ziada au wanyama vipenzi), ada za huduma za Airbnb na kodi.

Bei yenye ushindani inaweza kusaidia tangazo lako lionekane na liwe kwenye nafasi ya juu katika matokeo ya utafutaji. Algorithimu huweka kipaumbele kwa jumla ya bei na ubora wa tangazo ikilinganishwa na matangazo yanayofanana nalo yaliyo karibu.

Baadhi ya gharama unazojumuisha katika bei yako huenda zisiwe wazi kwa wageni. Je, unatoa vitu vya ziada, kama vile kifungua kinywa kamili, bidhaa za kuogea za kifahari au huduma za kutazama maudhui ya video mtandaoni? Eleza waziwazi katika maelezo ya tangazo lako ili uwasaidie wageni wapate thamani kwenye bei yako.

Mapunguzo na promosheni hukuruhusu utoe bei za chini katika hali fulani bila kubadilisha bei yako ya kawaida ya kila usiku. Nyenzo hizi husaidia hali tofauti, kama vile kuwakaribisha wageni wako wa kwanza au kukaribisha wageni wanaokaa muda mrefu.

• Matangazo mapya: Kutangaza tangazo jipya kabisa kwa punguzo la asilimia 20 kwenye bei yako ya kila usiku kunaweza kusaidia kuwavutia wageni wako watatu wa kwanza kuweka nafasi. Takwimu za Airbnb zinaonyesha kwamba Wenyeji wanaotoa promosheni hii katika siku 30 za kwanza tangu tangazo liwe amilifu wanawekewa nafasi ya kwanza haraka zaidi.

• Ukaaji wa muda mrefu: Kutoa mapunguzo ya kila wiki na kila mwezi kunaweza kusababisha nyumba yako ipate idadi kubwa ya ukaaji, idadi ndogo ya wageni wanaotoka na wewe kuwa na kazi kidogo. Nafasi zilizowekwa za wiki moja au zaidi zilikuwa asilimia 46 ya usiku uliowekewa nafasi kwenye Airbnb mwaka 2022.

Mapunguzo na promosheni zinazopatikana kwa ajili ya tangazo lako zinaweza kuwekwa kwenye kalenda yako ya kukaribisha wageni.

*Kulingana na matangazo duniani kote (isipokuwa China, Belarus, Urusi na Ukrainia) yaliyokuwa na usiku mmoja au zaidi uliopatikana kuanzia Januari hadi Desemba 2022 na kipengele cha Upangaji Bei Kiotomatiki hakikuwa kimewashwa. Sababu za ziada zinaathiri usiku uliowekewa nafasi.

Taarifa zilizomo kwenye makala hii zinaweza kuwa zimebadilika tangu zilipochapishwa.