Kuwasiliana na wageni kwa ufanisi

Ni muhimu kwamba wageni wapate taarifa muhimu kabla ya kuingia, kama vile maelekezo na maagizo ya kulifikia eneo lako. Kama sehemu ya sheria za msingi kwa ajili ya Wenyeji, unafaa kuwa tayari wakati wote kujibu maswali na kutatua matatizo ya wageni mapema iwezekanavyo.

Mara baada ya wageni wako kutulia, endelea kupatikana kwani wanaweza kuwa na maswali. Jaribu vidokezi hivi vya kutoa majibu:

• Pakua programu ya Airbnb kwenye simu yako na uwashe arifa. Unaweza kupokea arifa kupitia maandishi, barua pepe au moja kwa moja kutoka kwenye programu hiyo.
• Tumia majibu ya haraka. Andaa na uhifadhi ujumbe wa kutuma kwa sekunde chache, hivyo kila wakati mgeni anauliza swali la kawaida, unaweza kujibu haraka.
• Jaribu ujumbe ulioratibiwa. Kupitia nyenzo hii, wageni hupokea ujumbe wa kiotomatiki kwa nyakati muhimu, kama vile baada ya kuweka nafasi au kabla ya kuingia.
• Tumia Mwenyeji Mwenza ili akusaidie kuwajibu wageni ikiwa hutaweza kufuatilia simu au barua pepe yako.

Mgeni anapoweka nafasi kwenye sehemu yako, tuma ujumbe wa ukarimu wa ukaribisho. Kuonyesha kwamba unajali, bila kukisia, husaidia sana.

Kumbuka kuwasiliana katika nyakati hizi muhimu:

• Kabla ya kuwasili: Wape wageni maelekezo ya wazi na maagizo ya kuingia angalau saa 24 kabla ya muda wao ulioratibiwa wa kuwasili.
• Kuingia: Patikana ili kuhakikisha wageni wako wanaingia ndani na kujibu maswali yoyote waliyo nayo.
• Baada ya usiku wa kwanza: Dumisha mawasiliano kwa kutuma ujumbe mfupi ili kuwauliza wageni wako jinsi usiku wao wa kwanza ulivyokuwa na ikiwa wanahitaji chochote.
• Kabla ya kutoka: Wakumbushe wageni kuhusu wakati wa kutoka na mahitaji yoyote ya kutoka, kama vile kuzima taa au kupunguza kiwango cha joto.
• Baada ya kuondoka: Tuma ujumbe mfupi ili kutoa shukrani, hatua ambayo inaweza kusaidia kuwakumbusha wageni waandike tathmini.