Vidokezi vya kuepuka ughairi unaoweza kuzuilika

Mara baada ya nafasi iliyowekwa kuthibitishwa, wageni hawatarajii ibadilike. Ughairi unaofanywa na wenyeji unaweza kutatiza mipango yao ya usafiri, kudhoofisha imani katika jumuiya yetu na kusababisha kutozwa ada au matokeo mengine. 

Hivi hapa ni baadhi ya vidokezi vya kukusaidia kuepuka kughairi nafasi zilizowekwa kwa sababu zinazoweza kuzuiwa.

Wafahamishe wageni wakati wataweza kukaa kwako.

• Fungua tarehe kuanzia miezi mitatu hadi miaka miwili mapema.
• Ficha tarehe ambazo huwezi kukaribisha wageni.
• Angalia kalenda yako mara kwa mara ili kuhakikisha kwamba inaonyesha upatikanaji wako.

Kusasisha upatikanaji wa kalenda yako ni muhimu hasa ikiwa unatumia kipengele cha Kuweka Nafasi Papo Hapo. Kipengele cha Kuweka Nafasi Papo Hapo huwaruhusu wageni kuweka nafasi kwenye tarehe zozote ulizofungua bila kusubiri utathmini ombi lao.

Nafasi aliyoweka mgeni itakapothibistihswa, kalenda yako itazuiwa kiotomatiki kwa tarehe hizo. Unahitaji kuzuia mwenyewe tarehe zozote ambazo huwezi kukubali nafasi zilizowekwa kwa sababu nyingine.

Kupata nafasi iliyowekwa kwa tarehe ambazo huwezi kuheshimu kunaweza kusababisha utozwe ada ya kughairi au adhabu nyingine.

Mipangilio yako imegawanywa katika vichupo viwili: Bei na Upatikanaji. Nyenzo hizi zinaweza kukusaidia kupata uwekaji nafasi unaotaka, unapotaka. Kwa mfano, unaweza:

• Saidia mkakati wako wa kupanga bei. Siku zote unadhibiti bei yako na unaweza kuibadilisha wakati wowote. Nyenzo za upangaji bei hukuruhusu ulinganishe bei za matangazo sawia yaliyo karibu, utoe punguzo kwa ukaaji wa muda mrefu na uweke bei mahususi kwenye tarehe mahususi, kama vile sikukuu na wikendi. Pia unaweza kuwasha kipengele cha Upangaji Bei Kiotomatiki ili urekebishe bei yako kulingana na uhitaji wa eneo lako.
• Weka mapendeleo yako ya kuweka nafasi. Tumia kipindi cha upatikanaji ili kubaini ni mapema kiasi gani wageni wanaweza kuweka nafasi, kuanzia miezi mitatu hadi 24. Machaguo mengine ni pamoja na: kubainisha idadi ya chini na ya juu ya usiku kwa kila ukaaji, inayohitaji hadi ilani ya mapema ya siku saba kwa ajili ya nafasi zilizowekwa na kuzuia usiku mmoja au mbili kati ya nafasi zilizowekwa kama wakati wa maandalizi.
• Unganisha kalenda zako. Sawazisha kalenda zako binafsi na nyingine za kukaribisha wageni (ikiwa utaweka nafasi yako kwenye tovuti nyingine) na kalenda yako ya Airbnb. Hii inaweza kukusaidia kusimamia kazi zako za kukaribisha wageni na kuzuia kuweka nafasi mara mbili.

Tunaelewa kwamba unaweza kuhitaji kughairi nafasi iliyowekwa kwa sababu zisizoweza kudhibitiwa, kama vile kufanya marekebisho ya dharura. Iwapo itabidi ughairi, hakikisha:

• Kutathmini sera zetu. Sera yetu ya Kughairi ya Mwenyeji inaelezea ada na adhabu nyingine za kughairi na wakati ambapo zinaweza kusamehewa. Ikiwa huna uhakika ikiwa hali yako inastahiki, wasiliana na Airbnb Usaidizi kabla ya kughairi. Huwezi kughairi kwa sababu zinazokiuka Sera ya Kutobagua ya Airbnb au Sera ya Ufikiaji.
• Wape wageni taarifa ya kutosha. Ikiwa huwezi kuheshimu nafasi iliyowekwa bila kujali sababu, unatarajiwa kughairi kwa wakati unaofaa. Huwezi kuwaomba wageni kughairi nafasi walizoweka.
• Fuata sheria na kanuni za eneo husika. Soma makala yetu ya kukaribisha wageni kwa kuwajibika ili uelewe vizuri sheria, kodi, mazoea bora na masuala mengine ya kuwahudumia wageni katika eneo lako.

Wenyeji wanapoghairi nafasi iliyowekwa, tunashirikiana na wageni ili kuwasaidia kupata sehemu nyingine ya kukaa.