Jinsi ya kushughulikia tathmini mbaya

Tathmini mbaya zinaweza kusononesha, lakini hata wenyeji waliopewa ukadiriaji wa juu wanazipata mara kwa mara. Hivi ni vidokezi vichache vya kushughulikia maoni mabaya ya wageni.

Kuacha jibu litakaloonekana kwa umma husaidia kuwaonyesha wageni kwamba uko tayari kupokea mapendekezo. Jibu fupi, la kirafiki linaweza kusaidia kuwahakikishia wageni wengine kwamba unajali kuhusu maoni yao.

"Sitarajii mwenyeji yeyote awe na tathmini zisizo na dosari kwa asilimia 100," anasema Andrew, mgeni ambaye pia ni Mwenyeji Bingwa jijini Berlin. "Ninavutiwa zaidi na wale wanaochukulia maoni ya ukosoaji kwa uzito."

Zingatia vidokezi hivi vya kujibu tathmini mbaya:

• Washukuru wageni kwa maoni yao. Hii inaweza kuwa rahisi kama: “Asante kwa tathmini yako! Tunakushukuru sana kwa kutenga muda ili kutafakari kuhusu safari yako.”
• Eleza jinsi unavyoboresha sehemu yako. Unaweza kuandika: "Tunasikitika kwamba vitanda havikukuridhisha. Usingizi wako ni muhimu, kwa hivyo tumeongeza vifuniko vya godoro."

Unaweza kuomba kuondolewa kwa tathmini yoyote unayopokea ambayo unaamini haifuati Sera yetu ya Tathmini, kama vile tathmini ya kulipiza kisasi.

Matatizo ya usahihi na usafi ni sababu mbili za kawaida ambazo wageni huwapa wenyeji ukadiriaji wa chini ya nyota tano. Tumia maoni ya wageni kama fursa ya kuboresha huduma yako ya kukaribisha wageni.

Hizi ni njia chache za kuwaonyesha wageni kwamba sikuzote uko tayari kuboresha huduma yako:

• Chukulia maoni kama fursa. Wageni hutoa mitazamo ambayo huenda usingeizingatia, kama vile kwamba unaweza kurahisisha mchakato wa kuingia au kuongeza taulo zaidi.

• Kuwa wazi. Sasisha picha zako na maelezo ya tangazo ili kuonyesha kile unachotoa kwa sasa. Eleza jinsi unavyoshughulikia matatizo yanayoweza kutokea, kama vile kutoa vizibo vya masikio ikiwa mtaa wako una kelele.

• Toa huduma jumuishi ya kukaribisha wageni. Zingatia kumfanya kila mgeni ahisi amekaribishwa kwa kutumia lugha isiyoegemea jinsia yoyote na kuangazia vipengele vinavyofikika.
• Wasiliana na wageni wakati wote wa ukaaji wao. Tumia ujumbe ulioratibiwa kuuliza jinsi mambo yanavyoendelea na ushughulikie matatizo yoyote mara moja.

Taarifa zilizomo kwenye makala hii zinaweza kuwa zimebadilika tangu zilipochapishwa.