Jinsi AirCover kwa ajili ya Wenyeji inavyofanya kazi

AirCover kwa ajili ya Wenyeji hutoa ulinzi kila wakati unapokaribisha wageni. Inajumuisha uthibitishaji wa utambulisho wa mgeni, ukaguzi wa nafasi iliyowekwa, bima ya dhima ya Mwenyeji ya USD milioni 1 na ulinzi dhidi ya uharibifu kwa Mwenyeji wa USD milioni 3, pamoja na ulinzi kwa ajili ya vitu vyako vya thamani, magari yaliyoegeshwa na boti kwenye nyumba yako.

Jumuiya yetu imejikita katika uaminifu. Hiyo ndiyo sababu wageni wote wanaoweka nafasi lazima wakamilishe mchakato wetu wa uthibitishaji wa utambulisho. Tunapothibitisha utambulisho wa mgeni, tunathibitisha taarifa fulani binafsi, kama vile jina lake la kisheria, anwani, nambari ya simu au maelezo mengine ya mawasiliano.

Mara baada ya mgeni kuthibitishwa, atapata beji ya utambulisho uliothibitishwa. Hii inaonyeshwa kama beji nyekundu yenye alama ya tiki karibu na picha ya wasifu wake. Isitoshe, tunaweza kufanya uchunguzi wa rekodi ya uhalifu kwa wageni wanaoishi nchini Marekani.

Pata maelezo zaidi kuhusu uthibitishaji wa utambulisho wa mgeni.

Sera yetu ya Usumbufu wa Jumuiya inakataza sherehe zisizoidhinishwa na zenye usumbufu. Tunatumia teknolojia ya ukaguzi wa nafasi iliyowekwa ili kusaidia kutekeleza sera hiyo na kupunguza uwezekano wa sherehe zenye kuvuruga.

Mfumo huu huangalia mambo mbalimbali ili kuamua ikiwa nafasi iliyowekwa inapaswa kuzuiwa. Hizi ni pamoja na aina ya tangazo linalowekewa nafasi, muda wa kukaa, umbali wa tangazo kutoka mahali alipo mgeni na ikiwa nafasi hiyo imewekwa katika dakika za mwisho, miongoni mwa ishara nyingine nyingi.

Pata maelezo zaidi kuhusu teknolojia ya ukaguzi wa nafasi iliyowekwa.

Ulinzi dhidi ya uharibifu kwa Mwenyeji, sehemu ya AirCover kwa ajili ya Wenyeji, unajumuisha ulinzi huu ikiwa mgeni hatalipia uharibifu anaosababisha kwenye nyumba au mali yako akiwa anakaa kwenye sehemu yako.

• Ulinzi dhidi ya uharibifu wa USD milioni 3: Hii inajumuisha nyumba yako pamoja na vitu vilivyomo.
• Ulinzi wa sanaa na vitu vya thamani: Tunalinda sanaa, vito na vitu vya kukusanywa, ambavyo vinaweza kurejeshwa ikiwa vimeharibiwa.
• Ulinzi wa magari na boti: Tunatoa ulinzi dhidi ya uharibifu wa magari, boti na vyombo vingine vya majini ambavyo unaegesha au kuhifadhi kwenye nyumba yako.
• Ulinzi dhidi ya uharibifu wa mnyama kipenzi: Tunalipia uharibifu unaofanywa na wanyama vipenzi
• Kufanya usafi wa kina:  Tunarudisha pesa kwa ajili ya huduma za kufanya usafi wa ziada zinazohitajika ili kuondoa madoa na harufu ya moshi.
• Ulinzi dhidi ya kupoteza mapato: Tunakurudishia pesa kwa mapato uliyopoteza ikiwa utaghairi nafasi zilizowekwa za Airbnb zilizothibitishwa kwa sababu ya uharibifu wa mgeni.

Pata maelezo zaidi kuhusu ulinzi dhidi ya uharibifu kwa Mwenyeji.

Ikiwa mgeni ataharibu sehemu au mali yako, wewe (au mwenyeji mwenza aliye na ufikiaji kamili akitenda kwa niaba yako) unaweza kutembelea Kituo chetu cha Usuluhishi ili kuwasilisha ombi la kurudishiwa pesa na kufuatilia mchakato kuanzia kuwasilisha hadi kupokea malipo. 

Ombi lako litatumwa kwanza kwa mgeni. Ikiwa mgeni hatajibu au kulipa ndani ya saa 24, utaweza kuihusisha Airbnb. 

Bima ya dhima ya Mwenyeji, sehemu ya AirCover kwa ajili ya Wenyeji, huwapa wenyeji ulinzi wa hadi USD milioni 1 katika tukio nadra ambapo mgeni ameumia au mali yake kuharibiwa au kuibwa akiwa anakaa kwenye sehemu yako. Watu wanaokusaidia kukaribisha wageni, kama vile wenyeji wenza na wafanya usafi, wamejumuishwa katika bima hii.

Bima ya dhima ya Mwenyeji hukufidia ikiwa utakutwa unawajibika kisheria kwa:

• Jeraha la mwili kwa mgeni (au wengine).
• Uharibifu au wizi wa mali ya mgeni (au wengine).
• Uharibifu unaosababishwa na mgeni (au wengine) kwenye maeneo ya pamoja, kama vile kumbi za majengo na nyumba zilizo karibu.

Tumia fomu yetu ya uandikishaji ya bima ya dhima ili kuwasilisha madai. Tutatuma taarifa unayotoa kwa mtoa bima wetu mwingine anayeaminika, ambaye atampa mwakilishi madai yako. Atatatua madai yako kulingana na masharti ya sera ya bima.

Pata maelezo zaidi kuhusu bima ya dhima ya Mwenyeji.

Sawa na jinsi unavyolindwa na bima ya dhima ya Mwenyeji kupitia AirCover kwa ajili ya Wenyeji, wenyeji wa huduma wanalindwa na bima ya dhima ya Matukio na Huduma ya Airbnb. Wenyeji wote wa huduma pia wanahitajika kudumisha bima ya dhima inayofaa kwa biashara yao wanapotoa huduma.

Huduma kwenye Airbnb zinapofanyika kwenye nyumba yako, bima ya dhima ya Matukio na Huduma inatumika ikiwa mwenyeji wa huduma anawajibika kwa uharibifu wa nyumba au mali yako.

Pata maelezo zaidi kuhusu bima ya dhima ya Matukio na Huduma.

Ulinzi dhidi ya uharibifu kwa Mwenyeji, Bima ya dhima ya Mwenyeji na Bima ya dhima ya Matukio na Huduma za AirCover kwa ajili ya Wenyeji haziwalindi wenyeji wanaotoa sehemu za kukaa au matukio nchini Japani, ambapo Bima ya Mwenyeji ya Japani na Bima ya Ulinzi ya Tukio ya Japani zinatumika au wenyeji wanaotoa sehemu za kukaa kupitia Airbnb Travel LLC. Vikomo vyote vya malipo vinaonyeshwa katika USD.

Bima ya dhima ya Mwenyeji na bima ya dhima ya Matukio na Huduma hudhaminiwa na watoa bima wengine. 

Ikiwa unakaribisha wageni kwenye nyumba, matukio au huduma nchini Uingereza, bima ya dhima ya Mwenyeji na bima ya dhima ya Matukio na Huduma zinadhaminiwa na Zurich Insurance Company Ltd. na kupangwa na kukamilishwa bila gharama ya ziada kwa wenyeji wa Uingereza na Airbnb UK Services Limited, kampuni iliyoteuliwa kuwakilisha Aon UK Limited, ambayo imeidhinishwa na kudhibitiwa na Financial Conduct Authority. Nambari ya rajisi ya Aon katika FCA ni 310451. Unaweza kuangalia maelezo haya kwa kutembelea Rajisi ya Huduma za Fedha au kuwasiliana na FCA kupitia 0800 111 6768. Sera za dhima ya Mwenyeji na dhima ya Matukio na Huduma ndani ya AirCover kwa ajili ya Wenyeji zinadhibitiwa na Mamlaka ya Maadili ya Fedha. Bidhaa na huduma zilizosalia si huduma zinazodhibitiwa zilizopangwa na Airbnb UK Services Limited, FPAFF609LC.

Ikiwa unakaribisha wageni kwenye nyumba, matukio au huduma katika Eneo la Kiuchumi la Ulaya (EEA), sera za bima ya dhima ya Mwenyeji na Matukio na Huduma zimedhaminiwa na Zurich Insurance Europe AG, tawi la Uhispania na kupangwa na kuhitimishwa bila gharama ya ziada kwa manufaa ya wenyeji katika EEA na Airbnb Spain Insurance Agency S.L.U. (ASIASL), shirika la bima lisilofungamana na kampuni yoyote linalosimamiwa na Kurugenzi Kuu ya Pensheni na Mifuko ya Bima (DGSFP) na kusajiliwa nchini Uhispania lenye nambari AJ0364 katika Rajisi ya Mawakala wa Bima ya DGSFP. Unaweza kuthibitisha usajili huu kwa kutembelea Rajisi ya Mawakala wa Bima ya DGSFP na unaweza kupata maelezo kamili ya ASIASL hapa.

Ulinzi dhidi ya uharibifu kwa Mwenyeji si bima na hauhusiani na bima ya dhima ya Mwenyeji. Kwa matangazo katika jimbo la Washington, wajibu wa kimkataba wa Airbnb chini ya ulinzi dhidi ya uharibifu kwa Mwenyeji unalindwa na sera ya bima iliyonunuliwa na Airbnb. Kwa wenyeji ambao nchi yao ya makazi au biashara ni tofauti na Australia, Masharti haya ya Ulinzi dhidi ya Uharibifu kwa Mwenyeji yanatumika. Kwa wenyeji ambao nchi yao ya makazi au biashara ni nchini Australia, ulinzi dhidi ya uharibifu kwa Mwenyeji unadhibitiwa na Masharti ya Ulinzi Dhidi ya Uharibifu kwa Mwenyeji kwa Watumiaji wa Australia.

Taarifa zilizomo kwenye makala hii zinaweza kuwa zimebadilika tangu zilipochapishwa.