Kwa nini bei yako inaweza kuonekana tofauti katika utafutaji

Tangu mwaka uliopita, tumekuwa tukifanyia majaribio njia tofauti za kuonyesha bei ya sehemu za kukaa katika matokeo ya utafutaji ya tangazo.

Kwa sasa, wageni katika baadhi ya maeneo wanapata bei ya kila usiku na jumla ya bei katika matokeo ya utafutaji. Kuanzia mwezi huu, tutazindua jaribio jipya la bei ili kuonyesha tu jumla ya bei ya tangazo kwa baadhi ya wageni wanaotafuta sehemu za kukaa, ikiwemo bei ya kila usiku, ada ya huduma ya Airbnb na ada zozote za kufanya usafi, wanyama vipenzi au wageni wa ziada.

Lengo ni kuunda huduma ya kuweka nafasi ambayo ni rahisi, ya haraka na dhahiri zaidi kwa wageni. Haya ndiyo mambo unayohitaji kujua kuhusu jaribio hili la bei na jinsi ya kutoa maoni.

Wageni katika baadhi ya maeneo watapata tu jumla ya bei za sehemu za kukaa pamoja na matangazo katika matokeo yao ya utafutaji. Bei hii ya jumla haitajumuisha kodi, ambayo inaonekana kama kipengee tofauti kwenye ukurasa wa malipo.

Jaribio hili linatumika kwa wageni wanaotafuta sehemu za kukaa katika baadhi ya maeneo ulimwenguni kote. Wakati wa jaribio, mabango yanaweza kuonekana kwenye matangazo yote, yakitaarifu wageni kuhusu mabadiliko hayo.

Hapana. Kiasi ambacho mgeni analipa na malipo anayotumiwa Mwenyeji hayaathiriwi kwa njia yoyote.

Sikuzote una udhibiti wa bei unayoweka kwa ajili ya sehemu yako. Wakati wa jaribio hili, bado unaweza kurekebisha bei yako ya kila usiku katika sehemu ya Bei na upatikanaji ya maelezo ya tangazo lako.

Tulibuni huduma yetu iliyopo ili kutoa mchanganuo wa ada na kodi tofauti ili wageni waelewe kikamilifu matozo yanayoweza kuwapo kabla ya kulipa. Katika mwaka uliopita, tumegundua kuwa safari zimeanza tena kwa kiwango kikubwa kwenye Airbnb na ingawa tunaamini muundo wetu wa sasa unafanya kazi vizuri, tunajitahidi sikuzote kuboresha huduma anayopata kila mtu.

Kwa kujaribu njia tofauti za kuonyesha bei katika matangazo, tunatarajia kutambua iwapo muundo mpya unaweza kuongeza idadi ya nafasi zinazowekwa za Wenyeji na kuitumikia vyema zaidi jumuiya yetu ya kimataifa.

Iwe tangazo lako liko katika eneo linalohusika katika jaribio au la, unaweza kusasisha maelezo ya tangazo lako wakati wowote ili kuonyesha kilicho maalumu kukuhusu wewe na sehemu yako.

Unaweza pia kurekebisha na kuboresha mkakati wako wa kupanga bei kwa kutumia nyenzo mpya ya hakiki ya bei. Nyenzo hii inakupa mchanganuo wa jumla ya bei ya mgeni, pamoja na malipo unayotumiwa, kutoka kwenye akaunti yako ya kukaribisha wageni.

Tunapoendelea kufanyia majaribio njia mpya za kuonyesha bei katika matokeo ya utafutaji wa tangazo, tunakuhimiza utoe maoni. Tafadhali tupe maoni yako kuhusu jaribio hili na kama kawaida, asante kwa kuwa sehemu ya jumuiya yetu ya Wenyeji wanaothaminiwa