Nenda mbele ili upate matokeo yaliyopendekezwa

    Kuelewa huduma ya Kuweka Nafasi Papo Hapo

    Huduma ya Kuweka Nafasi Papo Hapo inaweza kurahisisha mchakato wa kuweka nafasi na kusaidia tangazo lako lionekane.
    Na Airbnb tarehe 14 Des 2020
    Inachukua dakika 4 kusoma
    Imesasishwa tarehe 14 Mei 2021

    Vidokezi

    • Sasisha kalenda yako unapotumia kipengele cha Kuweka Nafasi Papo Hapo

    • Chagua vigezo vyako vya Kuweka Nafasi Papo Hapo—kwa mfano, wageni walio na tathmini nzuri pekee

    • Washa kipengele cha Kuweka Nafasi Papo Hapo

    • Gundua mengi zaidi kwenye mwongozo wetu kamili ili kuweka tangazo lenye mafanikio

    Mambo ya msingi kuhusu Kuweka Nafasi Papo Hapo

    Kuweka Nafasi Papo Hapo ni kipengele madhubuti kinawachoruhusu wageni kuwekea nafasi nyumba yako papo hapo kwa tarehe zinazopatikana—hivyo kukuondolea haja ya kutathmini na kukubali kila ombi la kuweka nafasi kuvyake. Wenyeji wengi huripoti kuwa wanapata pesa zaidi kwa kuwarahisishia wageni mchakato wa kuweka nafasi na kwamba wanathamini urahisi unaopatikana. Mara nyingi wageni hutafuta matangazo yaliyo na kipengele cha Kuweka Nafasi Papo Hapo.

    Kuweka kalenda yako ikiwa na maelezo sahihi ni muhimu katika kutumia kipengele cha Kuweka Nafasi Papo Hapo kwa mafanikio. Ukishindwa kufanya hivyo, unaweza kushangazwa na nafasi zinazowekwa usiotarajia au utalazimika kughairi nafasi zilizowekwa kwa sababu ya hitilafu ya uratibu, hali ambayo inaweza kusababisha kutozwa ada ya kughairi. Ili kuhakikisha kuwa kalenda yako ya Airbnb ni sahihi kila wakati, ni wazo zuri kuisawazisha na kalenda yoyote unayotumia kimsingi (iCal, Google, n.k).

    Zana za kusaidia kuwa na utulivu wa akili zaidi

    Baadhi ya wenyeji mwanzoni wanaweza kusita kutumia kipengele cha Kuweka Nafasi Papo Hapo kwa sababu wana wasiwasi kwamba hawatakuwa na taarifa za kutosha kuhusu wageni watarajiwa kabla ya kuweka nafasi. Kabla ya wageni kutumia kipengele cha Kuweka Nafasi Papo Hapo, lazima watimize mahitaji yote ya wageni uliyoweka na wakubali sheria zako za nyumba. Unaweza kuweka mahitaji yako ili kutoa huduma ya Kuweka Nafasi Papo Hapo kwa wageni ambao wamepokea tathmini nzuri kutoka kwa wenyeji wengine pekee, wageni ambao wana vitambulisho vilivyotolewa na serikali na mengineyo.

    Pia unaweza kuandaa salamu maalum na ujumuishe maswali muhimu ambayo wageni wanaotumia kipengele cha Kuweka Nafasi Papo Hapo watapokea wakati wa mchakato wao wa kuweka nafasi:

    • Nani mwingine atakaa pamoja nawe?
    • Nini lengo la safari yako?
    • Je, kuna maelezo mengine kuhusu safari yako ambayo ungependa kuyashiriki?

    Ili kumkaribisha Kristine kutoka San Francisco, ukadiriaji mzuri wa wageni ulikuwa jambo muhimu. “Mara tu nilipogundua kuwa kile nilichokuwa nikitafuta kwa wageni kinaweza kushughulikiwa kiotomatiki na Airbnb,” anasema, “ilikuwa jambo la maana zaidi kwangu kutumia kipengele cha Kuweka Nafasi Papo Hapo ili kufaidika na mwonekano na nafasi zaidi kuwekwa, huku nikidumisha kiwango sawa cha ubora wa wageni ambao nilifurahia kwa kutathmini maombi mwenyewe.”

    Kwa nini bado unaweza kupata maombi ya kuweka nafasi

    Hata ikiwa umewasha kipengele cha Kuweka Nafasi Papo Hapo, kuna matukio ambapo unaweza kupokea maombi ya kuweka nafasi kutoka kwa wageni. Hili linaweza kutokea ikiwa hujasasisha kalenda yako kwa muda au ikiwa hivi karibuni ulihitaji kughairi nafasi iliyowekwa. Wageni ambao hawakidhi vigezo vyako vya kuweka nafasi papo hapo wanaweza pia kutuma maombi ya kuweka nafasi. Kwa kila ombi ambalo utalipokea, utahitaji kujibu kwa kukubali au kukataa nafasi iliyowekwa au kutuma ujumbe kwa wageni wako watarajiwa ndani ya saa 24.

    Kwa nini baadhi ya wenyeji hawatumii kipengele cha Kuweka Nafasi Papo Hapo

    Licha ya faida za Kuweka Nafasi Papo Hapo, baadhi ya wenyeji wanaona kuwa kuhitaji maombi ya kuweka nafasi kunawafaa zaidi:

    • Ana sehemu za kukaa za muda mrefu pekee. Annie, ambaye ni mwenyeji huko Sonoma, California, hutumia maombi ya kuweka nafasi kwa sababu yeye hutoa sehemu za kukaa za siku 30 au zaidi pekee ili kuzingatia kanuni za kukaribisha wageni katika eneo lake. “Ningependa kutumia kipengele cha Kuweka Nafasi Papo Hapo, lakini kuna masuala zaidi ya kuzingatia wakati unamkaribisha mtu kwa muda mrefu,” anasema. “Ni kama kuwa na mpangaji.”
    • Ana mahitaji ya kipekee ya kibinafsi. Nichola, ambaye ni mwenyeji huko Guelph, Kanada, ana mizio ya kimazingira ambayo inamhitaji kuweka nafasi yake bila harufu, kwa hivyo huwa anatumia maombi ya kuweka nafasi ili kuhakikisha kuwa wageni wapo tayari kukubali sheria zake maalumu za nyumba. “Huwa ninaumwa kichwa kukiwa na bidhaa zenye harufu kwa hiyo ninahitaji kuhakikisha kuwa wageni wangu ni watu ambao wanaelewa mzio wa harufu,” anasema.
    • Sehemu yake ina huduma maalumu au changamoto. Mifano inaweza kujumuisha chumba cha kujitegemea ndani ya nyumba ambacho kina wanyama vipenzi au watoto au sehemu ya kijijini sana ambayo inaweza kuwa changamoto kwa baadhi ya wageni. Maombi ya kuweka nafasi yanaweza kuwa chaguo zuri katika kuhakikisha kuwa wageni wanafahamu mambo yote ya kipekee ya nyumba yako kabla ya kuitembelea.

    Kuaminika ni muhimu katika kutumia kipengele cha Kuweka Nafasi Papo Hapo

    Katika uamuzi wowote utakaofanya, kumbuka kwamba Airbnb ina sera kali kuhusu wenyeji wanaoghairi nafasi zilizowekwa kwa sababu kuaminika ni sehemu muhimu ya kuwa mwenyeji mzuri. Fauka ya hayo, ikiwa unatumia kipengele cha Kuweka Nafasi Papo Hapo na una mashaka na nafasi baada ya kuwekwa (kwa mfano, kwa sababu wageni wako watarajiwa wanauliza ikiwa wanaweza kuvunja sheria za nyumba yako), unaweza kughairi uwekaji nafasi bila adhabu kwa kutumia zana ya kughairi mtandaoni hadi mara tatu kwa mwaka wa kalenda.

    Kumbuka kwamba huwezi kamwe kughairi kwa sababu yoyote inayokiuka sera ya kutobagua ya Airbnb. Na ikiwa utaghairi nafasi iliyowekwa, hiyo inaashiria kuwa Kuweka Nafasi Papo Hapo huenda hakukufai kwa sasa, kwa hiyo Airbnb inaweza kukutumia maombi ya kuweka nafasi badala yake kwa ajili ya nafasi kadhaa zijazo utakazoweka.
    Taarifa zilizomo kwenye makala haya zinaweza kuwa zimebadilika tangu zilipochapishwa.

    Vidokezi

    • Sasisha kalenda yako unapotumia kipengele cha Kuweka Nafasi Papo Hapo

    • Chagua vigezo vyako vya Kuweka Nafasi Papo Hapo—kwa mfano, wageni walio na tathmini nzuri pekee

    • Washa kipengele cha Kuweka Nafasi Papo Hapo

    • Gundua mengi zaidi kwenye mwongozo wetu kamili ili kuweka tangazo lenye mafanikio
    Airbnb
    14 Des 2020
    Ilikuwa na manufaa?