Kuelewa Vipendwa vya Wageni

Airbnb ina zaidi ya nyumba milioni 8 kote ulimwenguni. Kila nyumba ni ya kipekee na upekee huu ndio unaoitofautisha Airbnb.

Njia moja bora ya kupata sehemu nzuri ya kukaa ni kujua nyumba ambazo wageni wanapenda zaidi. Ndiyo sababu tumeunda Vipendwa vya Wageni.

Vipendwa vya Wageni ni makusanyo ya nyumba zinazopendwa zaidi kwenye Airbnb, kulingana na wageni. Vinategemea ukadiriaji, tathmini na data ya kutegemeka kutoka zaidi ya safari nusu bilioni. Vipendwa vya Wageni husasishwa kila siku, kwa hivyo ikiwa tangazo lako halijajumuishwa sasa, linaweza kujumuishwa hivi karibuni. 

Sababu mbalimbali zinasaidia kutambua Vipendwa vya Wageni, kama vile:

• Angalau tathmini 5 kutoka kwa wageni katika miaka 4 iliyopita, ikiwemo angalau tathmini 1 katika miaka 2 iliyopita
• Tathmini na ukadiriaji bora zaidi ya nyota 4.9 kwa wastani
• Ukadiriaji wa juu wa kuingia, usafi, usahihi, mawasiliano ya mwenyeji, eneo na thamani
• Rekodi nzuri ya kutegemeka, kama vile ughairi wa mwenyeji na matatizo ya huduma kwa wateja yanayohusiana na ubora yakiwa chini ya asilimia 1 kwa wastani

Vipendwa vya Wageni vinapatikana ulimwenguni kote na ni rahisi kupata kwenye Airbnb. 

Matangazo ambayo ni Vipendwa vya Wageni yanaonyesha beji katika matokeo ya utafutaji na kwenye ukurasa wa tangazo. Kichujio kinaruhusu wasafiri kutafuta Vipendwa vya Wageni.

Wenyeji Bingwa wanatambuliwa kwa rekodi yao ya ukarimu wa hali ya juu. Mpango wa Mwenyeji Bingwa wa Airbnb haubadiliki. Vigezo vya Mwenyeji Bingwa bado ni vilevile na tutaendelea kuangalia utendaji wa Mwenyeji Bingwa kila robo mwaka.

Ikiwa wewe ni Mwenyeji Bingwa ambaye una tangazo lililojumuishwa kwenye Vipendwa vya Wageni, vyote vitaangaziwa kwenye ukurasa wa tangazo lako na tangazo lako litakuwa na beji ya Kipendwa cha Wageni katika matokeo ya utafutaji. Ikiwa wewe ni Mwenyeji Bingwa mwenye tangazo ambalo bado halistahiki kuwa Vipendwa vya Wageni, bado utatambuliwa kwa beji ya Mwenyeji Bingwa kwenye ukurasa wa tangazo lako na katika matokeo ya utafutaji.

Kila moja ya matangazo yako litashughulikiwa kivyake wakati wa kubainisha ustahiki kwa ajili ya beji ya Kipendwa cha Wageni.

Taarifa zilizomo kwenye makala hii zinaweza kuwa zimebadilika tangu zilipochapishwa.