Kuelewa Vipendwa vya Wageni

Airbnb ina zaidi ya matangazo milioni 8 ya nyumba kote ulimwenguni. Kila moja ni ya kipekee na upekee huu ndio unaoitofautisha Airbnb. 

Njia moja bora ya kupata sehemu nzuri ya kukaa ni kujua nyumba ambazo wageni wanapenda zaidi. Ndiyo sababu tumeunda Vipendwa vya Wageni.

Vipendwa vya Wageni ni makusanyo ya nyumba zinazopendwa zaidi kwenye Airbnb, kulingana na wageni. Vinategemea ukadiriaji, tathmini na data ya kutegemeka kutoka zaidi ya safari nusu bilioni. Vipendwa vya Wageni husasishwa kila siku, kwa hivyo ikiwa tangazo lako halijajumuishwa sasa, linaweza kujumuishwa hivi karibuni.

Sababu mbalimbali zinasaidia kutambua Vipendwa vya Wageni, kama vile:

• Angalau tathmini 5 kutoka kwa wageni katika miaka 4 iliyopita, ikiwemo angalau tathmini 1 katika miaka 2 iliyopita
• Ukadiriaji wa jumla wa nyota, maoni katika tathmini za wageni na mawasiliano kati ya wageni na wenyeji kwenye tovuti
• Ukadiriaji wa juu wa kuingia, usafi, usahihi, mawasiliano, eneo na thamani
• Rekodi nzuri ya kutegemeka, kama vile ughairi wa mwenyeji na matatizo ya huduma kwa wateja yanayohusiana na ubora yakiwa chini ya asilimia 1 kwa wastani

Ikiwa una zaidi ya tangazo moja, kila moja litashughulikiwa kivyake wakati wa kubainisha ustahiki kwa ajili ya beji ya Kipendwa cha Wageni.

Vipendwa vya Wageni vinapatikana ulimwenguni kote na ni rahisi kupata kwenye Airbnb. 

Nyumba ambazo ni Vipendwa vya Wageni zinaonyesha beji katika matokeo ya utafutaji na kwenye ukurasa wa tangazo. Kichujio kinaruhusu wasafiri kutafuta Vipendwa vya Wageni.

Wenyeji Bingwa ni wenyeji wanaofanya vizuri zaidi wanaotambuliwa kwa rekodi yao ya ukarimu wa hali ya juu. Utendaji wa Mwenyeji Bingwa hutathminiwa kila robo mwaka kulingana na matakwa haya. Wenyeji wanaotimiza matakwa wanapata beji ya Mwenyeji Bingwa inayoonyeshwa kwenye tangazo na wasifu wao.

Ikiwa wewe ni Mwenyeji Bingwa ambaye una tangazo lililojumuishwa kwenye Vipendwa vya Wageni, vyote vitaangaziwa kwenye ukurasa wa tangazo lako na tangazo lako litakuwa na beji ya Kipendwa cha Wageni katika matokeo ya utafutaji. Ikiwa wewe ni Mwenyeji Bingwa mwenye tangazo ambalo bado halistahiki kuwa Vipendwa vya Wageni, bado utatambuliwa kwa beji ya Mwenyeji Bingwa.

Taarifa zilizomo kwenye makala hii zinaweza kuwa zimebadilika tangu zilipochapishwa.