Jinsi ya kukaribisha wageni wako wa kwanza wa Airbnb

Unaweza kuhisi wasiwasi kidogo unapotarajia wageni wako wa kwanza kuwasili. Lakini tuna kila kitu kwa ajili yako katika kila hatua. Unataka kuunda hali nzuri kwa ajili ya wageni wako wa kwanza na wa siku zijazo? Angalia mwongozo huu wa hatua tano.

Kuwakaribisha wageni huanza hata kabla hawajafika mlangoni pako. Kwa kujibu haraka ujumbe wa wageni, unawajulisha kwamba unajali mahitaji yao.

Mazungumzo haya ya mapema pia ni fursa nzuri ya kujenga matarajio. Vidokezi kadhaa vya kusaidia:

• Kuwa mkweli. Wageni wanaweza kuwa wamekosa kuona maelezo muhimu katika maelezo ya tangazo lako. Ni wazo zuri kuwakumbusha ikiwa wewe, familia yako, wageni wengine au wanyama vipenzi watashiriki sehemu yoyote pamoja nao.
• Kuwa mdadisi. Unaweza kuwezeshaujumuishi kwa kuwauliza wageni wako, Unahitaji nini ili ujisikie kustarehe na kuhisi kuwa umekaribishwa katika sehemu yangu?
• Jibu kwa urahisi. Tumia ujumbe wa Airbnb au programu kujibu wageni ukiwa nyumbani na unapofanya shughuli zako.
• Fikiria mbele. Ikiwa unatarajia kutuma taarifa zilezile kwa wageni kadhaa, okoa muda kwa kutumia zana zetu za kutuma ujumbe.

Unaweza kujibu maswali ya kawaida na kuwawezesha wageni wawasili kwa urahisi kwa kujaza vipengele vyote katika sehemu ya Taarifa kwa wageni kwenye kichupo cha Matangazo yako, ikiwa ni pamoja na maelekezo ya kufika kwenye sehemu yako, maelekezo ya kuingia, taarifa kuhusu Wi-Fi. Maelezo haya yatawekwa kwenye vichupo vya Safari za wageni wako saa 48 kabla ya kuingia.

Wageni, hasa wale wanaotoka katika jumuiya zilizotengwa kihistoria, wamesema kwamba kuingia mwenyewe kunaweza kuwafanya wajisikie vizuri zaidi. Lakini ikiwa uko karibu, unaweza pia kuwauliza wageni wako ikiwa wangependelea kukutana nawe ana kwa ana wanapoingia.

Vinjari mwongozo wa ukaribishaji wageni jumuishi

Wageni wanapoweka nafasi kwenye Airbnb, wanatarajia kupata sehemu safi. Wageni wakikuta vumbi kwenye chumba cha kulala au wakakutana na makombo jikoni, hicho ndicho watakachoweza kukumbuka kuhusu sehemu yako.

Nywele zilizodondoka pia ni vitu vinavyokera sana, kwa hivyo hakikisha unaweka umakini kwenye maeneo ambapo mara nyingi nywele zinakusanyika, kama vile kwenye mashuka, mataulo, sakafuni na bafuni. Na vitu vingi sana vya binafsi vitafanya sehemu yako iwe na mparaganyo, kwa hivyo jaribu kuhifadhi vitu hivi kwenye kabati au mbali na sehemu ya mgeni

Kila mgeni ni tofauti, lakini wengi watatarajia kuweza kufikia vitu na taarifa fulani mara moja. Unaweza kuzingatia:

• Kuhakikisha sehemu yako ina vistawishi muhimu vya kutosha, ikiwemo taulo, mashuka, sabuni na karatasi ya choo
• Kufanya mabadiliko kwenye mwongozo wako wa nyumba ili kuwapa wageni taarifa muhimu kuhusu sehemu ambazo hazipaswi kufikiwa, maelekezo kwa ajili ya vifaa, Wi-Fi, n.k.
• Kuunda kitabu cha mwongozo kilicho na mikahawa unayopenda, maduka ya vyakula, maduka ya kahawa na kadhalika
• Kuhakikisha unaweza kupatikana kupitia arafa, simu au barua pepe iwapo chochote kitaenda mrama
• Kuwa na nambari za simu za watu muhimu, kama vile fundi bomba, mtu anayefanya kazi ndogo ndogo, wakala wa huduma za intaneti na kebo au majirani wanaoweza kupatikana kwa urahisi

Mara baada ya wageni wakokuondoka, watakuwa na fursa ya kutoa tathmini ya sehemu yako. Tathmini zako kadhaa za kwanza ni muhimu katika ufanisi wako kwenye Airbnb. Ukadiriaji wako wa wastani wa nyota utaonekana kwenye tangazo lako baada ya kupokea tathmini tatu na unaweza kuathiri jinsi unavyoorodheshwa katika matokeo ya utafutaji.