Nenda mbele ili upate matokeo yaliyopendekezwa

    Kwa nini tathmini ni muhimu

    Tathmini zinajenga kuaminika katika jumuiya na husaidia kuendesha bishara yako.
    Na Airbnb tarehe 29 Nov 2019
    Inachukua dakika 4 kusoma
    Imesasishwa tarehe 13 Mei 2021

    Vidokezi

    • Tathmini ni kichocheo muhimu cha biashara kwa Wenyeji na msingi wa jumuiya ya Airbnb inayoaminiwa

    • Usisubiri tathmini, wasiliana na wageni kisha uwaombe maoni mapema ili uweze kutatua matatizo yoyote

    • Zione tathmini ambazo si nzuri kama fursa ya kuboresha tangazo lako au mtindo wa kukaribisha wageni

    • Gundua mengi zaidi katika mwongozo wetu kamili ili kuwafurahisha wageni wako wa kwanza

    Tathmini ni muhimu kwa jumuiya yote ya Airbnb, ikiwasaidia wageni wachague mipango yao ya safari kwa busara na kuwawezesha wenyeji kama wewe kufungua nyumba zao kwa ujasiri na kuwavutia wageni ambao wataipenda sehemu yao ya kukaa.

    Kwa kweli, si kutia chumvi tukisema kwamba biashara yako ya Airbnb inajikita kwenye tathmini nzuri. Kila tathmini inawasaidia wageni kuamua iwapo wataweka nafasi kwako na data za Airbnb zinaonyesha kwamba idadi kubwa ya tathmini nzuri inahusiana na mapato ya juu.

    Jinsi tathmini zinavyofanya kazi

    Baada ya kila ukaaji, wenyeji na wageni wana fursa ya kila mmoja kumtathmini mwenzake. Wahusika wote wana siku 14 baada ya kutoka ili kuandika tathmini, ambayo haitachapishwa hadi mwenyeji na mgeni wote wawasilishe tathmini zao. Baada ya hapo, tathmini zinachapishwa kwenye wasifu wa mgeni na kwenye tangazo la mwenyeji na kurasa za wasifu. Unaweza kujibu hadharani tathmini mara zote.

    Pata maelezo ya jinsi ambavyo tathmini hufanya kazi

    Kuandika tathmini kuhusu wageni ni muhimu kama ilivyo katika kuwaandalia chumba.
    Beverlee and Suzie,
    Oakland, California

    Jinsi wageni wanavyotathmini sehemu yako ya kukaa

    Wasafiri wanapenda kusoma kuhusu uzoefu wa watu wengine katika tangazo na kwa wenyeji. Wageni wanatumia eneo la maoni yaliyoandikwa kodokeza chochote walichokipenda (au ambacho hawakukipenda) kuhusu ukaaji wao.

    Ukadiriaji wa nyota

    Pamoja na tathmini zilizoandikwa, wageni wanakadiria uzoefu wao wa jumla kwa nyota 1-5. Ukadiriaji wako wa jumla wa nyota unaonekana kwenye tangazo lako baada ya wageni watatu kuchapisha tathmini—ni jambo muhimu kwa wageni wanaotathmini sehemu yako na kupata Hadhi ya Mwenyeji Bingwa (Wenyeji Bingwa ni lazima wawe na wastani wa ukadiriaji wa jumla wa angalau nyota 4.8).

    Wageni wanaweza pia kutoa ukadiriaji wa nyota kwa nyota 1-5 kuhusu vipengele muhimu, maalumu vya uzoefu wao, lakini hivi haviingizwi katika ukadiriaji wako wa jumla wa nyota. Makundi mahususi ni:

    • Usafi: Wageni watatarajia sehemu yako iwe safi na nadhifu kama wanavyoiona kwenye picha za tangazo lako. Angalia vidokezi hivi vya kuhakikisha sehemu yako ni safi kadiri iwezekanavyo.
    • Thamani: Wageni wanaikadiria sehemu yako kulingana na mitazamo yao iwapo bei yako iliakisi vizuri kile unachotoa.
    • Mawasiliano: Mawasiliano ya wazi, ya kuchukua hatua kabla jambo halijatokea ni muhimu ili kuhakikisha mahitaji ya wageni yanakidhiwa. Haya ni mazoea bora kwa ajili ya mawasiliano mazuri ya mwenyeji.
    • Mahali: Wageni wanaweza kutoa maoni kuhusu ikiwa mahali pako palionyeshwa kwa usahihi kwenye tangazo lako.
    • Kuwasili: Mchakato wazi na rahisi wa kuingia huashiria kutoa uzoefu mzuri kwa mgeni. Panga kuingia kwa urahisi kwa kutumia vidokezi hivi.
    • Usahihi: Maelezo ya tangazo ambayo ni sahihi na ya kweli huwasaidia wasafiri kuamua ikiwa sehemu yako inakidhi mahitaji yao kwa kutoa taarifa ya wazi na maelezo wanayopaswa kujua.

    Kupata tathmini nzuri

    Baada ya wageni kutoka, unaweza kuwakumbusha kuandika tathmini. Ili kuhimiza tathmini nzuri, kwa ujumla wenyeji wana pendekezo moja: kuwasiliana na wageni wako mara kwa mara, kuanzia wanapoweka nafasi, wakati wote wa ukaaji wao hadi wanapotoka. Mwenyeji Chris kutoka Cleveland anasema ni muhimu kuendelea kuwasiliana nao wakati wote wa ukaaji kwa kutumia ujumbe wa ndani ya programu ya Airbnb. “Ninahakikisha kuwa naweza kupatikana ili kujibu maswali mara moja. Ikiwa kuna kitu kinachohitaji kurekebishwa, tunakishughulikia mara moja.”

    Kutumia maoni kuboresha tangazo lako

    Wakati mwingine tathmini za mgeni huenda zisiwe nzuri. Hii inaweza kufadhaisha, lakini pia inaweza kuwa fursa ya kuboresha tangazo lako au ukarimu unaotoa. Wageni wanaweza kutoa mitazamo ambayo huenda usingeizingatia. Unaweza kutumia taarifa hii kuboresha vistawishi vyako, kubadilisha mchakato wako wa kuingia au kubadilisha maelezo ya tangazo lako ili yawe sahihi zaidi.

    ”Andika jibu la upole, tathmini tangazo lako ili kuona kile unachoweza kuboresha, kisha endelea kukaribisha wageni zaidi na zaidi!” anasema Ira kutoka Athens, Ugiriki. "Hiyo ndiyo njia bora ya kukabiliana na tathmini na ukadiriaji mbaya na kuwa na uzoefu mzuri."

    Kupata maoni ya faragha

    Unaweza pia kuwaomba wageni wako maoni ya faragha. Hii ni fursa nzuri—hasa kwa wenyeji wapya—kuwaomba wageni kukupa maoni yanayofaa ambayo hayakuadhibu wewe au kuonyeshwa hadharani. Licha ya hayo, ikiwa unafikiria tathmini iliyoandikwa kukuhusu si sahihi au inakiuka Sera ya maudhui ya Airbnb, unaweza kuandika majibu ndani ya siku 30 ambayo yataonekana chini ya tathmini na kuonekana kwa wageni na wenyeji wengine.

    Kutathmini wageni

    Kuacha tathmini kwa ajili ya wageni wako ni nafasi ya kuonyesha shukrani zako na kutoa maoni yanayofaa—pia kunawakumbusha kukutathmini. Hasa kwa wageni ambao hawajawahi kusafiri kupitia Airbnb, maoni yako yatawasaidia kuwa wasafiri wa kiweledi. “Kuandika tathmini kuhusu wageni ni muhimu kama ilivyo katika kuwaandalia chumba,” wanasema Beverlee na Suzie wa Oakland, California. “Unamruhusu mwenyeji mwingine mtarajiwa kuamua ikiwa anataka kumkaribisha mgeni huyo au la.”

    Hivi ni baadhi ya vidokezi vya kukumbuka kwa ajili ya kutoa maoni ya kujenga na ya haki:

    • Kuwa mwaminifu na mwenye heshima
    • Shughulikia maswala nyeti kwa upole na weledi
    • Jumuisha mifano halisi ya tabia ambazo wageni wanaweza kubadilisha pale inapowezekana

    Pia unaweza kuwaachia wageni wako maoni ya faragha, jambo ambalo linakuwezesha kutoa maoni ya wazi zaidi. Mara nyingi wageni wanapenda kujadili mambo nyeti faraghani kabla ya kuchapisha kitu chochote hadharani.

    Angalia jinsi unavyoendelea

    Pata mtazamo wa wakati halisi wa jinsi wageni wanavyokadiria sehemu na ukarimu wako.
    Fuatilia maendeleo yako

    Vidokezi

    • Tathmini ni kichocheo muhimu cha biashara kwa Wenyeji na msingi wa jumuiya ya Airbnb inayoaminiwa

    • Usisubiri tathmini, wasiliana na wageni kisha uwaombe maoni mapema ili uweze kutatua matatizo yoyote

    • Zione tathmini ambazo si nzuri kama fursa ya kuboresha tangazo lako au mtindo wa kukaribisha wageni

    • Gundua mengi zaidi katika mwongozo wetu kamili ili kuwafurahisha wageni wako wa kwanza
    Airbnb
    29 Nov 2019
    Ilikuwa na manufaa?