Njia sita za kujiandaa kwa ajili ya msimu wa mahitaij ya chini

Je, uko tayari kwa msimu wenye mahitaji ya chini katika eneo lako? Hizi ni njia sita ambazo unaweza kutumia zana za kukaribisha wageni za Airbnb ili kusaidia kudhibiti nafasi zinazowekwa kadiri safari za wageni zinavyopungua. Zingatia faida za kila moja ili kuamua kinachofaa kwa ajili ya biashara yako ya kukaribisha wageni.

Kupunguza urefu wa chini wa safari yako kunaweza kuwavutia wageni wanaoweka nafasi ya ukaaji wa muda mfupi na kusaidia kujaza nafasi kwenye kalenda yako wakati watu hawasafiri sana.

Una chaguo la kuweka kima cha chini cha safari yako mahususi kwa siku ya wiki. Kwa mfano, ikiwa mahitaji ya wageni ni makubwa wakati wa wikendi, unaweza kuchagua kuruhusu ukaaji wa usiku mmoja katikati ya wiki lakini sio wakati wageni wanaweka nafasi ya Ijumaa au Jumamosi usiku.

Ili kupunguza kima cha chini cha safari yako:

• Nenda kwenye kichupo cha Upatikanaji kwenye kalenda ya tangazo lako.
• Chini ya Urefu wa safari, gusa Idadi ya chini ya usiku.
• Hariri urefu wa chini wa safari kuwa idadi ya usiku unaokufaa.

"Ikiwa nina nafasi ya usiku nane, uwezekano wa kuwekewa nafasi ya usiku saba ni mdogo," anasema Felicity, mwanabodi wa Bodi ya Ushauri ya Wenyeji na Mwenyeji Bingwa huko New South Wales, Australia. "Ikiwa nitapunguza idadi ya chini ya usiku wangu katika kipindi hicho, kuna uwezekano kwamba nitawavutia wageni wengi zaidi."

Fikiria kuwaruhusu wageni waweke nafasi karibu na wakati wa kuingia ili kukusaidia kuvutia nafasi nyingi kiasi wakati wa msimu wenye wageni wachache. Unaweza kuchagua muda wa chini wa mapema ambao ni mfupi kama siku hiyo hiyo, kulingana na muda unaohitaji kati ya uwekaji nafasi wa mgeni na kuwasili kwake.

Ili kubadilisha muda wako wa chini wa kuwasili:

• Nenda kwenye kichupo cha Upatikanaji kwenye kalenda ya tangazo lako.
• Fungua Ilani ya mapema.
• Chagua idadi ya siku zinazokufaa.

Unaweza pia kuruhusu maombi yenye ilani ya muda mfupi kuliko muda wako wa chini wa kuwasili. Utakumbushwa kupitia na kuidhinisha maombi haya.

"Ni fursa nzuri ya kuonekana miongoni mwa nyumba nyingine ambazo huenda haziruhusu," anasema Karen, Mwenyeji Bingwa huko Nelson, British Columbia. "Pia nina huduma ya kuingia mwenyewe na ninatumia ujumbe ulioratibiwa ili kushiriki maelekezo. Hiyo inaniruhusu niwakaribishe wageni wanaoweka nafasi karibu na wakati wa kuingia."

Kupunguza bei yako ya kila usiku wakati tarehe ya kuingia inakaribia kunaweza kukusaidia kuwavutia waweka nafasi wa dakika za mwisho. Fikiria kutoa punguzo kwa nafasi zilizowekwa siku 1 hadi 28 kabla ya kuingia ili kusaidia kujaza kalenda yako na kuongeza mapato yako.

Kwa mapunguzo ya asilimia 10 au zaidi kwenye bei yako ya wastani ya siku 60, wageni wanaona wito maalumu kwenye ukurasa wako wa tangazo na katika matokeo ya utafutaji. Bei yako iliyopunguzwa inaonekana kando na yako ya awali, ambayo imepigwa kistari cha kukata.

Weka punguzo la dakika za mwisho:

• Nenda kwenye kichupo cha Bei cha kalenda ya tangazo lako.
• Chini ya Mapunguzo zaidi, fungua Mapunguzo ya dakika za mwisho.
• Weka idadi ya siku kabla ya kuwasili, kati ya 1 na 28.
• Weka punguzo la asilimia ambayo ungependa kutoa.

"Kwa kiwango cha juu, ninajisikia huru kupunguza kwa asilimia 15," anasema Jimmy, Mwenyeji Bingwa huko Palm Springs, California. "Nina bei ya chini, kwa hivyo sitashusha kamwe chini ya hapo. Kwa nafasi iliyowekwa inayokaribia wikendi hii, niko tayari kufikia bei hiyo ya chini ili niweze kuwekewa nafasi."

Mapunguzo kwa ajili ya ukaaji wa muda mrefu yanaweza kusaidia kuboresha nafasi yako kwenye utafutaji, kujaza nafasi kwenye kalenda yako na kupunguza idadi ya wageni wanaoingia na kutoka. Fikiria kutoa mapunguzo ya kila wiki kwa ajili ya ukaaji wa usiku saba au zaidi na mapunguzo ya kila mwezi kwa ajili ya ukaaji wa usiku 28 au zaidi.

Wageni wanaona wito maalumu kwenye ukurasa wako wa tangazo na katika matokeo ya utafutaji kwa mapunguzo ya kila wiki au kila mwezi ya asilimia 10 au zaidi. Mapunguzo yote kulingana na muda wa kukaa pia yanaonyeshwa kando ya bei yako ya awali katika mchanganuo wa bei.

Ili kuweka punguzo la kila wiki au kila mwezi:

• Hakikisha kwamba kima cha chini na cha juu cha muda wa ukaaji wako kinafuata sheria na kanuni za eneo husika.
• Ikiwa unaweza kutoa sehemu za kukaa za kila wiki au za kuanzia mwezi mmoja, nenda kwenye kichupo cha Bei katika kalenda ya tangazo lako.
• Chini ya mapunguzo ya kila wiki au kila mwezi, weka punguzo la asilimia kisha ubofye Hifadhi.

"Kutoa mapunguzo ya kila wiki au kila mwezi hakika kutavutia zaidi kwenye tangazo lako," anasema Omar, Mwenyeji Bingwa huko Mexico City. "Nimekuwa nikiona kwamba wasafiri zaidi na zaidi, hasa wafanyakazi wa mtandaoni, wanakuja kukaa kwa muda mrefu."

Kuendesha promosheni wakati wa msimu wa mahitaji ya chini ni njia nzuri ya kuonekana katika matokeo ya utafutaji na kuchochea uwekaji nafasi zaidi. Unapotoa mapunguzo ya asilimia 15 au zaidi, wageni wanaona wito maalumu kwenye ukurasa wako wa tangazo na katika matokeo ya utafutaji.

Ili kuweka promosheni mahususi:

• Nenda kwenye kichupo cha Bei cha kalenda ya tangazo lako.
• Chagua tarehe kwenye kalenda.
• Weka punguzo lako la asilimia.

Huenda promosheni mahususi isipatikane kila wakati kwa ajili ya tangazo lako. Matakwa yanajumuisha takwa la kwamba tangazo lako lazima liwe na angalau nafasi tatu zilizowekwa na angalau moja katika mwaka uliopita na tarehe unazochagua zinahitaji kuwa zimepatikana kwa angalau siku 28.

"Promosheni huniruhusu kuweka bei kwa miezi michache ijayo na kuwa na chaguo la kutoa punguzo ikiwa hakuna aliyevutia katika kipindi hicho," anasema Daniel, mwanachama wa Bodi ya Ushauri ya Wenyeji huko Tenerife katika Visiwa vya Kanari. "Ni mojawapo ya zana zangu ninazopenda, kwa sababu ninapenda kujua kiwango cha ugavi na mahitaji na kuchukua hatua ipasayo."

Kulinganisha bei za matangazo kama hayo katika eneo lako kunaweza kukusaidia kuweka bei yenye ushindani na kuvutia nafasi zaidi zinazowekwa kadiri safari zinavyopungua. Ikiwa bei yako iko juu kuliko matangazo yanayofanana yaliyo karibu, unaweza kuipunguza ili kuwavutia wageni zaidi na uwe katika nafasi ya juu zaidi kwenye utafutaji.

Ikiwa unatoa bei hiyo hiyo kila usiku, fikiria kuweka bei za siku za wiki na wikendi. Kubadilisha bei yako kulingana na usiku pia kunaweza kusaidia kuongeza nafasi zinazowekwa.

Ili kulinganisha matangazo yanayofanana:

• Nenda kwenye kichupo cha Bei cha kalenda ya tangazo lako.
• Chagua tarehe mbalimbali hadi siku 31.
• Gusa Angalia matangazo sawia.

Utaona bei za wastani za matangazo sawia yaliyo karibu kwenye ramani ya eneo lako. Vitufe kwenye ramani hukuruhusu kuangalia matangazo yaliyowekewa nafasi au ambayo hayajawekewa nafasi. Sababu zinazoamua ni matangazo gani yaliyo sawia ni pamoja na eneo, ukubwa, vipengele, vistawishi, ukadiriaji, tathmini na matangazo mengine ambayo wageni wanavinjari huku wakizingatia yako.

"Mimi hufuatilia matangazo yanayofanana na yangu ili niweze kuhakikisha kuwa nina bei ya ushindani," anasema Katie Kay, mwanachama wa Bodi ya Ushauri ya Wenyeji na Mwenyeji Bingwa huko Lake Arrowhead, California. "Ni muhimu kuwa na uwezo wa kubadilika wakati wa mahitaji ya chini ikiwa kweli unataka kuwaleta watu kwenye tangazo lako."

Unadhibiti bei yako na mipangilio mingine nyakati zote. Matokeo yako yanaweza kutofautiana. 

Wenyeji walilipwa kwa ushiriki wao katika mahojiano.

Taarifa zilizomo kwenye makala hii zinaweza kuwa zimebadilika tangu zilipochapishwa.