Jinsi ya kulinganisha bei za wastani za matangazo yanayofanana

Wenyeji wametuambia kwamba ni vigumu kujua kiasi cha kutoza. Nyenzo ya kulinganisha matangazo yanayofanana hukuruhusu kulinganisha bei yako na bei za wastani za matangazo yanayofanana yaliyo karibu nawe.

"Sikuzote ninahakikisha kwamba bei yangu ni ya ushindani, kwa hivyo ningependa kuona ni kiasi gani wenyeji wengine katika eneo langu wanajipatia kwa kila usiku," anasema Felicity, mshiriki wa Bodi ya Ushauri ya Wenyeji na Mwenyeji Bingwa huko New South Wales, Australia. "Kipengele hiki kinaleta mabadiliko makubwa."

Ili kulinganisha matangazo yanayofanana:

1. Nenda kwenye kichupo cha Bei cha kalenda ya tangazo lako.
2. Chagua tarehe mbalimbali hadi siku 31.
3. Gusa Angalia matangazo yanayofanana.

Utaona bei za wastani za matangazo yanayofanana yaliyo karibu kwenye ramani ya eneo lako. Vitufe kwenye ramani hukuruhusu kuangalia matangazo yaliyowekewa nafasi au ambayo hayajawekewa nafasi.

Bei kwenye ramani zinaakisi bei ya wastani ya kila tangazo lililowekewa nafasi au ambalo halijawekewa nafasi kwa tarehe zilizochaguliwa. Sababu zinazoamua ni matangazo gani yanayofanana ni pamoja na eneo, ukubwa, vipengele, vistawishi, ukadiriaji, tathmini na matangazo mengine ambayo wageni wanavinjari huku wakizingatia yako.

Taarifa hii inakusaidia kuelewa vizuri bei ya eneo husika. Unaweza kuitumia wakati wowote unapoweka au kubadilisha bei yako.

Bei inaweza kuwa na athari kubwa kwenye matokeo ya utafutaji. Matangazo yenye bei ya chini kuliko mengine yaliyo karibu yenye vistawishi vinavyofanana na idadi ya wageni huwa kwenye nafasi ya juu. Kurekebisha bei yako kunaweza kukusaidia kuwafikia wageni na kuongeza kipato.

Taarifa zilizomo kwenye makala haya zinaweza kuwa zimebadilika tangu zilipochapishwa.