Uboreshaji hufanya kalenda yako iwe rahisi kudhibiti kwenye simu ya mkononi

Maelezo ya mhariri: Makala haya yalichapishwa kama sehemu ya Airbnb 2023 Toleo la Kiangazi. Taarifa zinaweza kuwa zimebadilika tangu zilipochapishwa. Pata maelezo zaidi kuhusu toleo letu la hivi karibuni.

Kalenda ya Mwenyeji ni moja ya sehemu zinazotumiwa mara kwa mara katika programu ya Airbnb. Umetuambia kwamba kufanya kazi rahisi huchukua muda mwingi mno, kama vile kubofya tarehe moja moja ili kuchagua wiki kadhaa.

Tunazindua maboresho mawili ili iwe rahisi zaidi kudhibiti kalenda yako kwenye simu.

• Telezesha ili kuchagua tarehe: Chagua tarehe mbalimbali kwa kusimama kwenye ile ya kwanza, kisha utelezeshe kwenye pande zote na chini ili uweke zilizosalia. Kwa mfano, je, wiki ijayo bado inapatikana? Unaweza kubadilisha bei yako kwa tarehe hizo bila kufunga kalenda yako au kubadilisha skrini.

• Mwonekano wa kila mwaka: Kuanzia Juni, utaweza kuonyesha upatikanaji wako kwa mwaka mzima, na bei ya kila mwezi, kwenye skrini moja. Chagua “Mwaka” kwenye menyu ya orodha chaguzi iliyo upande wa juu wa kalenda yako ili uonyeshe miezi yote 12 kwa mara moja. Tarehe zilizo na nafasi zilizowekwa za sasa, za siku zijazo na zinazosubiri zinaangaziwa kwa rangi sawia kama ilivyo katika mwonekano wa kila mwezi. Bofya mwezi wowote ili kuhariri bei yako ya kila usiku kwa mwezi huo wote.

Tumehamisha zana zako zote za kupanga bei kwenda sehemu moja inayofaa kwenye kalenda yako. Bofya tu aikoni ya mipangilio iliyo upande wa juu kulia mwa skrini. Unaweza pia kutumia vitufe vilivyo chini ya bei yako ili kulinganisha bei za wastani za matangazo sawia yaliyowekewa nafasi karibu nawe, au kupata mchanganuo wa kile ambacho mgeni analipa na unachopata.

Mabadiliko haya ni sehemu ya Airbnb 2023 Toleo la Kiangazi, kukiwa na maboresho 25 kwa ajili ya Wenyeji. Jisajili kwenye Ufikiaji wa Mapema ili uanze kutumia nyenzo hizi mpya leo.