Zana mpya za kukaribisha wageni ili kusaidia kukuza biashara yako

Tumeunda upya programu ili kujumuisha kila kitu unachohitaji ili kusimamia nyumba yako. Sasa ni rahisi kufuatilia nafasi zilizowekwa na kusasisha upatikanaji na bei yako.

Utapata zana zote zilizopangwa kwenye vichupo hivi 5 wakati umeingia kwenye akaunti kama mwenyeji.

Kichupo kipya cha Leo ndicho unachokiona unapofungua programu. Unaweza kuona maelezo ya nafasi iliyowekwa kwa ufupi ili kusaidia kupanga siku yako na kutoa ukarimu wa kipekee.

• Badilisha kati ya mionekano ya nafasi zilizowekwa za sasa na zinazokaribia ili ujue ni nani unayemkaribisha na wakati gani.
• Jiandikie maelezo kuhusu nafasi zilizowekwa, kama vile vikumbusho kuhusu matukio au maombi maalumu.
• Pata vidokezi kuhusu mambo ya kufanya kwa kila nafasi iliyowekwa, kama vile kuwauliza wageni jinsi mambo yanavyoendelea au kusoma tathmini.

Kalenda iliyoundwa upya inafanya iwe rahisi kutathmini na kubadilisha upatikanaji na bei yako.

• Fungua tarehe zaidi kwa ajili ya wageni kuweka nafasi na uzuie usiku ambao huwezi kukaribisha wageni.
• Rekebisha upatikanaji na mipangilio yako ya bei, kama vile idadi ya chini ya usiku na mapunguzo, moja kwa moja kwenye kalenda yako.
• Angalia vidokezi vipya vya bei ya kila usiku, ambavyo ni mapendekezo mahususi kulingana na mambo kama vile eneo na vistawishi vya tangazo lako, nafasi ulizowekewa hapo awali na bei za hivi karibuni katika eneo lako.

Kichupo cha Matangazo kinatoa njia zaidi za kusimamia maelezo ya tangazo lako. Tumia nyenzo hizi kuwapa wageni picha sahihi na kamili zaidi ya eneo lako.

• Sasisha tangazo lako, ikiwemo kuweka picha zenye ubora wa juu ili kuvutia umakini na mwongozo wa kina wa kuwasili.
• Weka vistawishi vyote unavyotoa, ikiwemo vipengele vya ufikiaji, ili kusaidia kuvutia kuwekewa nafasi.
• Angalia tangazo lako ili uone jinsi linavyoonekana kwa wageni.

Kichupo cha Ujumbe kinakusaidia kuwasiliana na wageni kabla, wakati na baada ya ukaaji wao.

• Tumia kihariri kipya cha majibu ya haraka ili kufanya majibu ya maswali yanayoulizwa mara kwa mara yawe mahususi na uratibu ujumbe utakaotumwa kwa nyakati muhimu.
• Shiriki picha ili ujitambulishe na uonyeshe maelezo muhimu.
• Angalia maombi ya kuweka nafasi yaliyoonyeshwa panapooonekana zaidi, ikiwemo maelezo kama vile tarehe za safari na idadi ya wageni.

Menyu inakupa ufikiaji wa mapato yako, vidokezi na mipangilio mingine. Utapata vidokezi mahususi na nyenzo zaidi ili kusaidia kukuza biashara yako ya kukaribisha wageni.

• Angalia mapato yako na uunde ripoti mahususi kwenye dashibodi ya mapato.
• Chunguza ukadiriaji na tathmini za wageni katika sehemu ya vidokezi.
• Simamia mipangilio ya akaunti yako na upate nyenzo za kukaribisha wageni.

Pata ufikiaji wa mapema sasa ili uanze kutumia zana zako mpya za kukaribisha wageni.

Taarifa zilizomo kwenye makala hii zinaweza kuwa zimebadilika tangu zilipochapishwa.