Dashibodi mpya inakupa mtazamo wazi wa mapato yako

Ni rahisi kufanya mipango kwa ajili ya biashara yako ya kukaribisha wageni wakati unaweza kuona mapato yako katika sehemu moja. Dashibodi yetu ya mapato iliyobuniwa upya inawezesha hili.

Utapata mchanganuo wa kina wa malipo ya zamani na ya wakati ujao, ripoti zinazoweza kufanywa ziwe mahususi, vichujio na utafutaji.

Unaweza kufikia dashibodi mpya katika kichupo cha Menyu. Chagua Mapato ili kuifungua. Hapo juu, chati ya maingiliano inaonyeshwa:

• Kiasi ulichopata katika kila mwezi mmoja katika miezi sita iliyopita
• Kiasi ambacho umepata kufikia sasa mwezi huu
• Kiasi unachokadiriwa kupata katika kila mwezi mmoja kaika miezi sita ijayo kulingana na nafasi zinazowekwa zinazokaribia

Chini ya chati ya mapato unaweza kufungua muhtasari wa mwaka mmoja uliopita ambao unahesabu mapato yako tangu Januari 1 ya mwaka wa sasa. Muhtasari unaonyesha mapato yako ya jumla, jumla ya kiasi unachopata kabla ya makato yoyote. Kila makato yameorodheshwa kwenye mstari wake yenyewe na jumla ya malipo yako halisi yameorodheshwa chini yake.

Hivi ndivyo utakavyoona:

• Mapato ya jumla
• Kodi zilizozuiwa
• Ada za huduma zilizokatwa
• Marekebisho yoyote
• Malipo halisi ya jumla

Dashibodi inaangazia malipo yako yanayokaribia na ya hivi karibuni. Zimeorodheshwa chini ya muhtasari wa mapato yako.

Fungua malipo ili upate maelezo ya muamala, ikiwemo:

• Mchanganuo wa bei
• Tarehe ilipolipwa au imeratibiwa kulipwa
• Msimbo wa uwekaji nafasi uliounganishwa
• Jina na picha ya mgeni
• Taarifa nyingine yoyote inayotumika, kama vile malipo ya Mwenyeji Mwenza, maombi ya Kituo cha Usuluhishi au michango ya mara kwa mara kwa Airbnb.org

Malipo yote yameorodheshwa kwa mpangilio wa wakati ili kukusaidia kuvinjari kwa urahisi historia yako ya muamala. Pata malipo mahususi kwa kutafuta kiasi halisi cha malipo au msimbo wa uthibitishaji wa nafasi iliyowekwa.

Pia una chaguo la kuchuja malipo kulingana na:

• Tarehe, ikiwemo kulingana na tarehe mahususi
• Tangazo, kuchagua tangazo moja au kadhaa kwa wakati mmoja
• Njia ya kupokea malipo, kuchagua njia moja au nyingi kwa wakati mmoja

Unaweza kutengeneza ripoti za mapato kwa hatua chache rahisi:

• Fungua orodha kamili ya malipo yaliyolipwa au yanayokaribia kisha ubofye Pata ripoti
• Chagua iwapo ufungue ripoti kwenye kifaa chako au uitume kwa barua pepe kama faili lililoambatishwa
• Chagua maelezo ambayo ungependa kujumuisha, kama vile njia ya kupokea malipo, tarehe ya kuweka nafasi na msimbo wa kuthibitisha nafasi iliyowekwa
• Bofya Tengeneza ripoti

Utapata mipangilio yako ya kupokea malipo, taarifa za kodi na hati nyingine muhimu za mapato chini ya dashibodi.

Dashibodi mpya ya mapato ni sehemu ya Airbnb 2023 Toleo la Novemba. Anza kutumia vipengele vipya leo unapojisajili kwenye Ufikiaji wa Mapema.

Huduma anayopata mtumiaji inaweza kutofautiana kulingana na mahali.

Taarifa zilizomo kwenye makala haya zinaweza kuwa zimebadilika tangu zilipochapishwa.