Kuelewa kalenda yako na mipangilio ya kuweka nafasi

Mipangilio ya kalenda yako na ya kuweka nafasi inakupa udhibiti kuhusu wakati unapopangisha sehemu yako, kuanzia wikendi chache hadi siku 365 kwa mwaka. Kuelewa vizuri mipangilio hii kunaweza kukusaidia kukidhi mahitaji ya wageni wako na uendeshe biashara yako ya kukaribisha wageni kwa utaratibu zaidi.

Hivi ndivyo unavyoweza kuweka mipangilio ya kalenda inayokufaa.

Unaweza kufungua tarehe kwenye kalenda yako hadi miaka miwili mapema. Kadiri tarehe zako zinavyopatikana, ndivyo machaguo ya wageni yanavyokuwa mengi.

Kusasisha upatikanaji wa kalenda yako ni muhimu ili kuepuka kughairi nafasi zilizowekwa. Kughairi kunaweza kusababisha kutozwa ada na adhabu nyingine kwako na uzoefu mbaya kwa wageni.

Kevino, Mwenyeji Bingwa huko Mexico City, anasema anatumia mipangilio ya kalenda na ya kuweka nafasi ili:

• Kusasisha bei kulingana na uhitaji katika eneo hilo. “Huwa ninatoza bei ya juu mwezi Oktoba na Novemba, ambao unazingatiwa kuwa msimu wa shughuli nyingi huko Mexico City kwa sababu ya sherehe nyingi zinazofanyika. Kila mtu anataka kuwa hapa kwa ajili ya Siku ya Wafu!”

• Kuweka nyakati maalumu kwa ajili ya kuingia na kutoka. “Wageni wanaweza kuingia kuanzia saa 8:00 alasiri na kutoka wakati wowote kabla ya saa 6:00 mchana, ninataka wageni wangu wahisi kwamba wana muda wa kupumzika na kupata kifungua kinywa kabla ya kuondoka. Pia ninatoa sehemu iliyofungwa ambapo wageni wanaotaka kukaa jijini baada ya kutoka wanaweza kuhifadhi mizigo yao kwa usalama.”

• Kuzuia tarehe ambazo amewekea nafasi kwa ajili ya familia, marafiki au wageni wa mara kwa mara. "Pia nina baadhi ya wageni ambao wanapenda kurudi kila mwaka kwa wakati uleule, kwa hivyo mara nyingi ninazizuia tarehe hizo."

Unaweza pia kutumia mapendeleo yako ya kuweka nafasi ili:

• Kuchagua kiasi cha muda unaohitaji ili kujiandaa kwa ajili ya wageni.

• Kuweka muda wa chini na wa juu wa kukaa.

• Kuoanisha kalenda yako ya Airbnb na kalenda zako nyingine za mtandaoni. Kuoanisha kalenda yako hukusaidia kuepuka kuwekewa nafasi mara mbili na hukusaidia kuangalia ratiba yako binafsi katika sehemu moja.

Kalenda yako pia inafuatilia nafasi zinazowekwa na wageni wako. Unaweza kuchagua kuonyesha au kuficha maelezo ili kuangalia upatikanaji wa muda mrefu, kutathmini bei za kila usiku za zamani, kurekebisha bei na promosheni za siku zijazo na kupanga mapema ukiwa na uhakika.

Unaweza kuruhusu wageni kuweka nafasi ya sehemu yako kupitia kipengele cha Kuweka Nafasi Papo Hapo au ombi la kuweka nafasi.

Maombi ya kuweka nafasi huwaruhusu Wenyeji kukubali nafasi zilizowekwa kivyake, ndani ya saa 24 baada ya kuyapokea. Njia hii hupendelewa na Wenyeji ambao:

• Wana upatikanaji usiotabirika kwa sababu ya mahitaji yao binafsi na ratiba.
• Wanatoa sehemu ikiwa na vipengele vya kipekee, kama vile hali za kawaida sana za mashambani, ambazo wanataka kuweka matarajio kwa wageni kabla hawajaweka nafasi.
• Wanatuoa ukaaji wa muda mrefu wa usiku 28 au zaidi.

Kipengele cha Kuweka Nafasi Papo Hapo huwaruhusu wageni ambao wanakidhi matakwa yako yote na kukubali sheria za nyumba yako kuweka nafasi papo hapo kwa tarehe zozote zinazopatikana. Nyenzo hii huharakisha mchakato wa kuweka nafasi kwa ajili ya wageni na kupunguza uhitaji wako wa kutathmini na kukubali kila ombi la kuweka nafasi.

“Nilifanya jaribio ambapo nilichapisha tangazo langu kwanza likiwa na maombi ya kuweka nafasi mwenyewe kisha likiwa na kipengele cha Kuweka Nafasi Papo Hapo,” Anasema Kevino. "Kupitia kipengele cha Kuweka Nafasi Papo Hapo, niliwekewa nafasi nyingi zaidi."

Kupitia mipangilio hii na mingine, unaweza kudhibiti ni lini na jinsi gani sehemu yako itawekewa nafasi na kuunda kalenda ya kukaribisha wageni inayokufaa.

Taarifa zilizomo kwenye makala haya zinaweza kuwa zimebadilika tangu zilipochapishwa.