Vidokezi vya kurahisisha kukaribisha wageni wakati wa msimu wenye shughuli nyingi

Kupanga mapema kwa ajili ya msimu wenye wageni wengi kunaweza kukusaidia kuokoa muda na kutoa sehemu za kukaa za nyota 5. Zingatia vidokezi hivi unaposimamia nafasi zilizowekwa mfululizo.

Wageni wanatarajia kuondoka kwa urahisi. Angalia njia za kufanya mchakato wako wa kutoka uwe rahisi kadiri iwezekanavyo. 

• Punguza kazi. Wageni mara nyingi hupendelea wakati mchakato wa kutoka unahitaji juhudi kidogo sana. Eleza kile ambacho ni muhimu kufanya kabla ya kuondoka, kama vile jinsi ya kufunga.
• Toa maelekezo dhahiri. Weka maelekezo yako ya kutoka kwenye mwongozo wa kuwasili katika tangazo lako. Airbnb itatuma kiotomatiki maelekezo yako ya kutoka kwa wageni usiku kabla ya kutoka.
• Tuma ujumbe wa shukrani. Unaweza kuwaalika wageni warudi na uwajulishe kwamba unathamini maoni yao. Fikiria kuuliza kile ambacho watafurahia watakapokutembelea tena.

Kuweka utaratibu wa kufanya usafi kunaweza kufanya kazi za kuandaa nyumba kwa ajili ya wageni wanaofuata ziwe rahisi na zenye ufanisi zaidi.

• Unda orodha kaguzi. Kufuata hatua zilezile kabla ya kila mgeni kuingia kunaweza kukusaidia kuepuka kupuuza chochote.
• Weka mashuka ya ziada. Unaweza kuweka seti nyingine ya matandiko na taulo ili kupunguza kazi ya kufua nguo kati ya nafasi zilizowekwa. 
• Jisajili kwa huduma za kusafirisha bidhaa. Kuratibu agizo la mara kwa mara la bidhaa zako za kufanya usafi na vitu vingine muhimu, kama vile karatasi ya choo na sabuni, kunaweza kusaidia kupunguza ukosaji wa bidhaa. 
• Unda timu ya usaidizi. Fikiria kuwa na mpango mbadala wa kufanya usafi na matengenezo au kuweka mwenyeji mwenza ili akusaidie wageni wanapoondoka.

"Orodha kaguzi hunifanya niendelee kuwa makini na kuhakikisha kwamba sipuuzi chochote," anasema Robin, Mwenyeji Bingwa jijini Mount Barker, Australia. "Kukumbuka maelezo yote madogo hufanya huduma ya kukaribisha wageni iwe bora kwa wageni na kwangu pia."

Saidia tangazo lako lionekane kwa kuweka vistawishi vyovyote vya msimu ambavyo sehemu yako inatoa.

• Fanya upya picha zako. Katika miezi yenye joto, unaweza kuwaonyesha wageni bwawa lako, jiko la kuchomea nyama, kitanda cha bembea au ufikiaji wa ufukwe. Katika miezi ya baridi, unaweza kuonyesha meko ya ndani, beseni la maji moto au ufikiaji wa ski-in/ski-out.
• Orodhesha vistawishi vyako vyote. Wageni wengi hutafuta Airbnb ili kupata sehemu ambazo zina vistawishi na vipengele wanavyotaka. Hakikisha kwamba tangazo lako limekamilika.
• Sasisha maelezo ya tangazo lako. Matangazo yenye ubora wa hali ya juu yanaelezea kwa usahihi kile ambacho wageni wanaweza kutarajia kuona, kusikia na kupitia wakati wa ukaaji wao.

"Kila mwaka, tunaweka kistawishi kipya, kitu maalumu ili kuwafanya wageni wa zamani warudi," anasema Fred, Mwenyeji Bingwa huko Placencia, Belize. “Tumeweka gazebo, sehemu ya kutazamia mandhari na eneo la baa juu ya maji.”

Taarifa zilizomo kwenye makala haya zinaweza kuwa zimebadilika tangu zilipochapishwa.