Je, mchakato wa kuweka nafasi wa Airbnb unafanya kazi vipi?

Mchakato wa kuweka nafasi kwenye Airbnb umebuniwa kuwa rahisi na wa moja kwa moja. Lakini kama Mwenyeji mpya, unaweza kuwa na maswali kadhaa kuhusu jinsi mchakato huo unavyofanya kazi.

Mara baada ya kuelewa mchakato wa kupokea na kujibu maulizo ya kuweka nafasi, kuwasha au kuzima kipengele cha Kuweka Nafasi Papo Hapo, kufuatilia nafasi zilizowekwa na kupanga mapema ukitumia kalenda yako, utakuwa tayari kuwakaribisha wageni wako wa kwanza.

Baadhi ya wageni wanaweza kuwa na maswali, kwa mfano, kuhusu kuingia mapema au eneo lako mahususi. Wageni hawa wanaweza kukutumia maulizo ya kuweka nafasi kabla ya kuweka nafasi. Unapopata maulizo, kulingana na mipangilio yako, utapata barua pepe, arifa kwenye kikasha chako cha Airbnb au zote mbili.

Hata ikiwa unatumia kipengele cha Kuweka Nafasi Papo Hapo, wageni wanaweza kukutumia maulizo ya kuweka nafasi kwanza ili wapate taarifa zaidi kabla ya kuweka nafasi. Utakuwa na saa 24 za kujibu ujumbe wao. Mara baada ya kujibu maswali yao, unaweza kutuma:

• Idhini ya awali, ambayo inawaruhusu wageni kuweka nafasi kwenye sehemu yako ndani ya saa 24 bila hatua yoyote ya ziada kutoka kwako ikiwa umezima kipengele cha Kuweka Nafasi Papo Hapo
• Ofa maalumu, ambayo inakuwezesha kutoa punguzo (mara nyingi hutumika kwa ukaaji wa muda mrefu)
• Arifa ya kukataa ikiwa huwezi kumkaribisha mgeni huyo, maadamu unafuata sera yetu ya kutobagua
  

Wageni ambao hawana maswali yoyote wanaweza kuweka nafasi kwenye sehemu ya kukaa kwa kutumia kipengele cha Kuweka Nafasi Papo Hapo, ikiwa umekiwasha au kupitia ombi la kuweka nafasi, ikiwa umekizima kipengele cha Kuweka Nafasi Papo Hapo.

• Kuweka Nafasi Papo Hapo ni njia chaguo-msingi ya kuweka nafasi kwa matangazo yote. Ikiwa utatumia chaguo hili, wageni ambao wanakidhi matakwa yako yote na kukubali sheria za nyumba yako wataweza kuweka nafasi kwenye sehemu yako papo hapo kwa tarehe zozote zinazopatikana. Kipengele cha Kuweka Nafasi Papo Hapo pia kinaashiria kwamba uko tayari kumkaribisha mtu yeyote anayekidhi vigezo vyako vya kuweka nafasi, sehemu muhimu ya kuwa Mwenyeji jumuishi.
• Maombi ya kuweka nafasi hukupa saa 24 za kutathmini na kukubali au kukataa kila ombi la kuweka nafasi lililowasilishwa. Utaweza kufikia tathmini na wasifu wa wageni. Baadhi ya Wenyeji, hasa wale walio na sehemu za kipekee au ratiba zisizo thabiti, hupendelea maombi ya kuweka nafasi wenyewe.

Unaweza kurekebisha bei na mipangilio yako ili ukidhi uhitaji wa eneo lako kwa ajili ya nyakati tofauti za mwaka. Vidokezi vichache vya haraka vya kalenda:

• Zuia tarehe mahususi pale unapojua kwamba hutaweza kukaribisha wageni
• Weka muda wa chini na wa juu wa kukaa
• Ikiwa una kalenda nyingine za mtandaoni, oanisha kalenda yako ya Airbnb nazo ili uhakikishe kwamba kila wakati unafahamu nafasi zilizowekwa zinazokaribia

Pata maelezo zaidi kuhusu mipangilio ya kalenda na kuweka nafasi

Mara baada ya kuelewa jinsi wageni wanavyoweza kuweka nafasi kwenye sehemu yako na jinsi mchakato huo ulivyo, utakuwa tayari kukazia umakini kwenye hatua ya kufurahisha ya huduma ya kukaribisha wageni: kuwakaribisha wageni wako.

Taarifa zilizomo kwenye makala hii zinaweza kuwa zimebadilika tangu zilipochapishwa.