Kusasisha upatikanaji wako

Mipangilio ya upatikanaji ya Airbnb inafanya iwe rahisi kudhibiti wakati gani na jinsi gani wageni wanaiwekea nafasi nyumba yako. Utaipata katika kalenda yako.

Nyenzo za kupanga bei na mipangilio ya upatikanaji mara nyingi hufanya kazi pamoja. Kwa mfano, ukitoa punguzo kwa watakaowahi, kuwaruhusu wageni waweke nafasi miezi 12 au 24 mapema kunaweza kukusaidia kuwafikia wageni wengi wanaopanga mapema.

Kubadilisha muda wa safari yako kunaweza kufungua kalenda yako na kulisaidia tangazo lako lionekane katika matokeo zaidi ya utafutaji. Hakikisha tu kwamba muda wa chini na wa juu wa safari yako unafuata sheria na kanuni za eneo lako.

• Kima cha chini cha usiku: Kupunguza muda wa chini wa safari yako huwavutia wageni wanaoweka nafasi ya ukaaji wa muda mfupi na husaidia kujaza nafasi kwenye kalenda yako. Unaweza kuweka idadi ya chini ya usiku kulingana na siku ya kuingia.
• Idadi ya juu ya usiku: Kuongeza muda wa juu wa safari yako husaidia kuwavutia wageni wanaoweka nafasi ya ukaaji wa muda mrefu, jambo ambalo linapunguza idadi ya wageni wanaoingia na kutoka. Unaweza pia kuruhusu maombi ya ukaaji wa muda mrefu kuliko kima chako cha juu. Utaweza kutathmini na kuidhinisha maombi haya.
• Muda mahususi wa safari: Kuweka muda mahususi wa safari ambao ni mfupi kuliko muda wa chini wa safari yako kwa tarehe fulani kunaweza kukusaidia kujaza nafasi kwenye kalenda yako.

Usiku utapatikana kiotomatiki kulingana na mipangilio yako. Ikiwa mipangilio yako inazuia tarehe, utapata vidokezi vya kuzifungua. Kwa mfano, ikiwa muda wako wa chini wa kukaa ni usiku 5 na una usiku 4 ambao haujawekewa nafasi kati ya nafasi zilizowekwa, utaona kidokezi cha kupunguza kima cha chini cha safari yako kwa usiku huo.

Amua muda unaohitaji kabla ya wageni kuwasili na muda wa mapema zaidi ambao watu wanaweza kuweka nafasi.

• Ilani ya mapema: Amua muda unaohitaji kati ya nafasi iliyowekwa na mgeni na kuwasili kwake. Unaweza kuchagua siku hiyohiyo, siku 1, siku 2, siku 3 au siku 7. Hata ukichagua siku 1 au zaidi, unaweza kuruhusu maombi yaliyo na ilani ya chini ya siku moja, ambayo utahitaji ili kutathmini na kuidhinisha.
• Ilani ya siku hiyohiyo: Ikiwa unaruhusu wageni waweke nafasi siku hiyohiyo ya kuingia, unaweka muda wa mwisho ambao baada ya hapo hawawezi tena kuweka nafasi. Chagua saa yoyote kati ya saa 12:00 asubuhi na saa 6:00 usiku.
• Wakati wa maandalizi: Chagua idadi ya usiku unaohitaji kuzuia kabla na baada ya kila nafasi iliyowekwa. Machaguo ni hakuna, usiku 1 kabla na baada ya kila nafasi iliyowekwa au usiku 2 kabla na baada ya kila nafasi iliyowekwa.
• Kipindi cha upatikanaji: Kuongeza muda wa mapema ambao wageni wanaweza kuweka nafasi husaidia tangazo lako lionekane katika matokeo zaidi ya utafutaji. Chagua miezi 3, 6, 9, 12 au 24 mapema.
• Mipangilio zaidi ya upatikanaji: Unaweza kuzuia wageni kuingia au kutoka katika siku fulani za wiki. Hii inazuia kalenda yako dhidi ya wageni wanaowasili au kuondoka ikiwa unajua hupatikani katika siku fulani. Unaweza kuchagua hadi siku 6 kwa wiki.

Ikiwa unatumia kalenda nyingi, kuoanisha kalenda zako zote za kukaribisha wageni husaidia kuzuia kuwekewa nafasi mara mbili. Muunganisho huu wa njia 2 husasisha kalenda zote mbili kiotomatiki usiku utakapokuwa umewekewa nafasi. Kuunganisha kalenda zako:

• Weka kiungo cha kalenda ya Airbnb kilichotolewa kwenye tovuti nyingine.
• Pata kiungo kinachoishia na .ics kutoka kwenye tovuti nyingine na ukiweke kwenye kalenda yako ya Airbnb.

Unadhibiti bei yako na mipangilio mingine nyakati zote. Matokeo yako yanaweza kutofautiana.

Taarifa zilizomo kwenye makala hii zinaweza kuwa zimebadilika tangu zilipochapishwa.