Jinsi Aina za Airbnb zinavyofanya kazi

Maelezo ya mhariri: Makala haya yalichapishwa kama sehemu ya Airbnb 2022 Toleo la Novemba. Taarifa zinaweza kuwa zimebadilika tangu zilipochapishwa. Pata maelezo zaidi kuhusu toleo letu la hivi karibuni.

Kupata sehemu mpya za kukaa ni mojawapo ya mambo yanayofurahisha kuhusu usafiri. Tunataka kuhakikisha kwamba wageni wanaotafuta sehemu kama yako wanaweza kuigundua kwa urahisi. Iwe unakaribisha wageni kwenye eneo la kambi, kondo au kasri, Aina za Airbnb zinaweza kukusaidia kuonyesha jambo la kipekee kuhusu sehemu yako na kuwavutia wageni waweke nafasi.

Mwezi Mei 2022, tulikuletea Aina za Airbnb, njia mpya ya wageni kugundua mamilioni ya sehemu za kipekee za kukaa ulimwenguni kote. Zaidi ya aina 60 tofauti huainisha nyumba kulingana na mtindo, eneo au ukaribu wake na shughuli fulani.

Wageni wanaotafuta sehemu ya kukaa wanaweza kuvinjari aina kama vile Nyumba za Mbao, Ufukwe wa Ziwa na Hifadhi za Taifa. Wanaweza pia kutafuta matangazo kulingana na mahali wanakoenda na matokeo yake yanaonekana chini ya Nyumba Zote.

Tangazo lolote kwenye Airbnb linaweza kuonekana chini ya Nyumba Zote ikiwa linalingana na utafutaji wa mgeni kwenye eneo husika. Linaweza pia kuonekana kwenye Aina moja au zaidi za Airbnb litakapokidhi vigezo mahususi.

Matangazo katika kila aina hupitia mchakato wa utayarishaji. Mamilioni ya nyumba kwenye Airbnb hutathminiwa kwa kutumia uchanganuzi wa kompyuta ili kuchambua vichwa, maelezo, maelezo ya picha na tathmini za wageni.

Unaweza kuangalia aina ya tangazo lako kwenye akaunti yako ya kukaribisha wageni. Nenda kwenye maelezo ya tangazo lako kisha utelezeshe chini kwenda kwenye sehemu ya Aina. Jina la Aina ya Airbnb, ikiwa moja au zaidi linatumika, litaonyeshwa hapo. Bofya au ubonyeze maelezo ya aina hiyo.

Tunapoendelea kupanua aina na kusasisha huduma yetu, ni muhimu kusasisha maelezo ya tangazo lako. Tathmini vistawishi vyako ili uhakikishe kwamba umechagua kila kitu ambacho sehemu yako inatoa.