Kuandaa tangazo lako la tukio ili liwe tayari kuwekewa nafasi

Hongera kwa kuidhinishiwa Tukio lako la Airbnb! Baada ya kuchapisha tangazo lako, hapa kuna mambo mawili unayoweza kufanya ili kuwavutia wageni wako wa kwanza.

Utahitaji kuweka mipangilio ya kalenda yako ili wageni waweze kuweka nafasi ya tukio. Amua ni mara ngapi utatoa shughuli hiyo kulingana na muda wake, upatikanaji wako na malengo yako ya biashara.

Ili kuanza, chagua siku unayotaka kukaribisha wageni kisha ubofye Ratibu tukio. Chagua wakati, aina ya nafasi iliyowekwa, bei, ukubwa wa kikundi na maelezo mengine. Kutoa shughuli mara 10 au zaidi kwa mwezi, ikiwemo angalau siku moja ya wikendi kwa wiki, kunaweza kuwasaidia wageni kutafuta tarehe na wakati unaokidhi mahitaji yao.

Wenyeji wengi huweka hadi miezi miwili ya upatikanaji ili kuongeza uwezekano wao za kuwekewa nafasi. Unaweza kuratibu tukio unalotoa kila siku hadi siku 60 kabla na tukio unalotoa kila wiki hadi wiki 52 kabla.

Kumbuka kuzuia tarehe zozote ambazo huwezi kukaribisha wageni ili kuepuka kughairi. Unaweza pia kuzuia muda unaozunguka shughuli za maandalizi au usafishaji.

Wageni wengi huzingatia bei wakati wa kuweka nafasi ya Matukio ya Airbnb. Kuweka bei yenye ushindani kunaweza kusaidia tangazo lako lionekane.

Anza kwa kuelewa kiasi unachohitaji ili kulipia gharama zako. Kisha, unaweza kugundua kwamba kutoa bei ya chini kwa kila mtu kunaweza kuvutia wageni zaidi na kusababisha mapato ya juu. Kwa mfano:

• Wageni 4 wakiweka nafasi kwa USD75 kila mmoja = USD300
• Wageni 8 wakiweka nafasi kwa USD60 kila mmoja = USD480

Unaweza pia kuunda promosheni mpya ya tukio ili kusaidia kuwavutia wageni wako wa kwanza na tathmini za mapema. Ofa hii ni fursa ya kutoa punguzo la asilimia 5 hadi asilimia 50 kwa bei yako kwa siku 30.

Ukichagua angalau punguzo la asilimia 20, bei yako iliyopunguzwa itaonyeshwa kwenye matokeo ya utafutaji ya Airbnb karibu na ile yako ya awali, ambayo imepigwa kistari. Tukio litarudi kwenye bei yako ya awali ofa itakapomalizika.

Ili kuunda promosheni:

1. Nenda kwenye tangazo lako kisha ubofye Hariri
2. Nenda kwenye Mipangilio ya bei kisha ubofye Mapunguzo
3. Chini ya Ofa maalumu, nenda kwenye Promosheni ya tukio jipya kisha ubofye Unda ofa

Unadhibiti bei yako na mipangilio mingine nyakati zote. Matokeo yako yanaweza kutofautiana.

Taarifa zilizomo kwenye makala hii zinaweza kuwa zimebadilika tangu zilipochapishwa.