Vutia wageni ukitumia jaribio jipya la kasi ya Wi-Fi

Wageni wengi hutegemea intaneti ya kasi ili kufurahia safari na ni muhimu kwa wageni wanaofanya kazi wakiwa mbali. Kwa kweli, utafiti wa Airbnb unaonyesha kwamba Wi-Fi ni mojawapo ya vistawishi ambavyo wageni hutafuta mara nyingi na kwamba kuweka meza ya kufanyia kazi kwa kompyuta mpakato kwenye vistawishi vya tangazo kunaweza kuwasaidia baadhi ya Wenyeji kuongeza mapato yao.*

Kasi ni muhimu kuhusiana na Wi-Fi, kuanzia kutazama filamu hadi kujiunga na simu ya mkutano bila tatizo lolote. Sasa Wenyeji wanaweza kuthibitisha kasi ya Wi-Fi ya tangazo lao bila kuondoka kwenye programu ya Airbnb kwa kutumia jaribio jipya la kasi ya Wi-Fi. Nyenzo hii hukuruhusu kufanya majaribio ya kasi ya Wi-Fi ya nyumba yako kwa urahisi, kisha kuionyesha moja kwa moja kwenye ukurasa wa tangazo lako—ili kukusaidia kuwavutia wageni wengi zaidi wanaotafuta sehemu za kukaa zenye muunganisho wa intaneti.

Jaribio la kasi ya Wi-Fi kwa sasa linapatikana kwenye programu ya Airbnb kwa ajili ya iOS na Android. Ili kuanza, utahitaji kuwa kwenye sehemu yako na kuunganishwa kwenye mtandao wa Wi-Fi wa nyumba yako.

Ukiisha kufika hapo, fuata hatua hizi:

1. Bofya Wasifu kisha ubofye Badilisha kwenda kukaribisha wageni
2. Bofya Matangazo kisha ubofye tangazo unalotaka
3. Chini ya Kuhusu tangazo, nenda kwenye Vistawishi
4. Sogeza hadi Wi-Fi kisha ubofye Weka maelezo
5. Bofya Fanya majaribio ya kasi ya Wi-Fi (utahitaji kuruhusu ufikiaji wa eneo ikiwa bado haujaidhinishwa)
6. Bofya Anza jaribio
7. Baada ya matokeo kuonyeshwa, bofya Hifadhi ili kasi ya Wi-Fi yako iweze kuonekana kwenye ukurasa wa tangazo lako
8. Ikiwa kasi ya Wi-Fi yako ni Mbps 50 au zaidi, tangazo lako litaangaziwa kuwa na Wi-Fi ya kasi

Pata maelezo zaidi kuhusu kutoa Wi-Fi kwa wageni

Kasi ya intaneti hupimwa kwa megabiti kwa sekunde na nambari hii inaweza kuonyesha kasi ya muunganisho wako. Hizi ni tarakimu tofauti unazoweza kuona kutokana na jaribio la kasi ya Wi-Fi na maana yake:

• Hakuna chochote kinachoonyeshwa: Hakuna Wi-Fi inayopatikana. Huna Wi-Fi au huwezi kuunganisha. Jaribu kuwasha tena ruta yako au uhamie kwenye sehemu nyingine katika nyumba yako.
  
• Mbps 1-6: Kasi ya msingi ya Wi-Fi. Wageni wanaweza kuangalia ujumbe na kuvinjari wavuti.
  
• Mbps 7-24: Kasi thabiti ya Wi-Fi. Wageni wanaweza kutazama video za HD mtandaoni.
  
• Mbps 25-49: Kasi ya kuridhisha ya Wi-Fi. Wageni wanaweza kutazama video zenye ubora wa juu za 4K mtandaoni na kujiunga kwenye simu za video.
  
• Mbps 50 na zaidi: Safi sana! Kasi ya juu ya Wi-Fi. Wageni wanaweza kutazama video za 4K na kujiunga na simu za video kwenye vifaa vingi. Tutaangazia Wi-Fi ya kasi kwenye tangazo lako.

Pata maelezo zaidi kuhusu kuthibitisha kasi ya intaneti yako