Vidokezi vipya kabisa vya kusaidia tangazo lako lionekane

Tunakuletea vidokezi mahususi ili kukusaidia uonekane katika utafutaji zaidi, uwekewe nafasi zaidi na uboreshe tathmini zako.

Vidokezi vya bei na upatikanaji hukusaidia ujipatie mapato zaidi na husaidia tangazo lako lionekane. Ni mahususi kwa eneo lako, zinakupa data ya ndani ambayo unaweza tu kupata kutoka Airbnb. Tunafuatilia kinachotokea katika utafutaji na nafasi zinazowekwa katika eneo lako katika mwezi uliopita na tunatumia data hiyo kukupa vidokezi. 

Vidokezi vinapendekeza hatua unazoweza kuchukua ili kusaidia kuwavutia wageni, ikiwemo:

• Kuruhusu wageni waweke nafasi mapema zaidi 
• Kuhitaji ilani ya mapema ya muda mfupi 
• Kuweka mapunguzo
• Kurekebisha bei yako ya msingi 
• Kupunguza idadi ya chini ya usiku unayohitaji kwa ajili ya sehemu za kukaa 

“Kwa tangazo langu jipya katika eneo tofauti, vidokezi hivi vinasaidia sana,” anasema Bree, mwanabodi wa Bodi ya Ushauri ya Wenyeji nchini Australia. “Kitu chochote kinachonisaidia kuelewa uhitaji wa eneo husika, mielekeo ya utafutaji na mapendeleo ya wageni kitafanya niwe na uhakika zaidi ninapofanya maamuzi.” 

Vidokezi vya tathmini hutumia maoni ya wageni wako kutoa mapendekezo yanayofaa kuhusu njia za kuboresha huduma yako. Vidokezi hivi, vinavyotegemea takwimu za Airbnb, vimeundwa ili kuwasaidia wenyeji wapate tathmini za nyota 5.

Kwa mfano, ikiwa mgeni atataja kwamba jiko lako halikuwa kama picha zako zinavyoonyesha, unaweza kuona kidokezi cha kubadilisha picha zako. Au ikiwa mgeni atasema alipata shida kuingia, unaweza kuona pendekezo la kurekebisha maelekezo yako ya kuingia. Vidokezi hivi vinaweza kukusaidia kuweka matarajio na kuwafurahisha wageni wa siku zijazo. 

Vidokezi vya bei na upatikanaji na vidokezi vya tathmini vinapatikana sasa, huku vidokezi vya mapato vikitarajiwa baadaye mwaka huu.

Bei katika USD. Hali ya mtumiaji inaweza kutofautiana kulingana na eneo.

Taarifa zilizomo kwenye makala hii zinaweza kuwa zimebadilika tangu zilipochapishwa.