Kuwajulisha wageni yote yanayopatikana katika eneo lako

Vistawishi ni kipaumbele cha juu kwa wageni kwenye Airbnb. Wanapotafuta sehemu ya kukaa, wanaweza kuchuja matokeo yao ili yaonyeshe tu matangazo yaliyo na vistawishi wanavyotaka.

Hata vitu vidogo vya kustarehesha, kama vile televisheni au vifaa vya huduma ya kwanza, vinaweza kufanya safari ziwe rahisi na za kufurahisha zaidi kwa wageni. Kwa hivyo ni wazo zuri kujumuisha chochote unachotoa.

Wageni mara nyingi hutafuta matangazo ambayo yana:

• Wi-Fi
• Jiko
• Mashine ya kufua au mashine ya kukausha
• Maegesho ya bila malipo
• Kiyoyozi
• Sehemu mahususi ya kufanyia kazi
• Bwawa au beseni la maji moto

Ili kuweka vistawishi, chagua vitu kutoka kwenye orodha ya vistawishi bora na vile vinavyopendwa na wageni ambavyo vimetolewa. Unaweza kuweka vistawishi ambavyo hupati hapa baada ya kuchapisha tangazo lako.

Kisha, andika vitu vya usalama ulivyonavyo kwenye jengo, kama vile king'ora cha moshi.

Vidokezi vichache vifupi:

1. Usilidunishe eneo lako. Ikiwa una kistawishi, kijumuishe. Kwa mfano, waruhusu wageni waamue ikiwa eneo la nje lenye meza ya mandhari ni zuri kama lile lenye viti vya matakia.

2. Weka matarajio ya wageni. Andika ujumbe ili kutoa maelezo zaidi, kwa mfano, ikiwa jiko lako la kuchoma nyama linatumia gesi au makaa, katika maelezo ya tangazo lako.

3. Fikiria kama mgeni. Jiulize mwenyewe kile unachotaka na kuhitaji kama mgeni unaposafiri. Fikiria kuongeza vitu hivyo na vistawishi vingine, baada ya muda.

“Hakikisha kwamba unatoa vistawishi vya msingi,” anasema Harry, Mwenyeji huko Athens, Ugiriki, kwa sababu kufanya hivyo kunaweza kukusaidia kuwavutia wageni kuweka nafasi. “Niligundua kwamba kutumia pesa kidogo kwenye pasi ya mvuke na mashine ya kukausha nywele kulifaa sana.”