Jibu haraka zaidi katika kichupo cha Ujumbe
Kuwajibu wageni haraka kunaweza kusababisha kuwekewa nafasi zaidi, tathmini bora na nafasi za juu kwenye matokeo ya utafutaji. Maboresho ya hivi karibuni ya ujumbe hufanya iwe rahisi kujibu haraka.
Majibu ya kiotomatiki
Wageni hupokea majibu yanayotokana na Akili Mnemba kwa maswali ya kawaida yenye maelezo yaliyochukuliwa kutoka kwenye ukurasa wa tangazo lako. Hii inajumuisha taarifa zilizo kwenye vistawishi vyako, maelezo ya tangazo na mwongozo wa nyumba.
Kila jibu la kiotomatiki linaitambulisha Airbnb kama mtumaji na wewe na wageni wako mnaweza kuliona. Unaweza kufuta jibu na kutuma jibu tofauti wakati wowote.
Kwa mfano, ikiwa mgeni atauliza kuhusu maegesho, jibu la kiotomatiki linaweza kuwa, “Nyumba hii inatoa maegesho ya barabarani bila malipo na maegesho ya bila malipo kwenye jengo. Angalia maelezo haya kwenye Vistawishi.”
Hatua zinazopendekezwa
Kichupo cha Ujumbe kinatumia Akili Mnemba kupendekeza hatua kulingana na ujumbe wa wageni. Kila pendekezo linajumuisha kadi ya kuingiliana inayokuwezesha kuanza kufanya kazi muhimu, kama vile kubadilisha nafasi zilizowekwa na kutuma ofa maalumu, bila kuondoka kwenye mazungumzo.
Kwa mfano, ikiwa mgeni atauliza ikiwa anaweza kuingia siku moja mapema, utaona pendekezo la kubadilisha nafasi iliyowekwa katika mazungumzo yako. Gusa kadi ili ubadilishe tarehe na umtumie mgeni ombi la kutathmini utaratibu mpya wa safari.
Ujumbe wa kipaumbele
Ujumbe unaohitaji kushughulikiwa haraka unaonekana kwenye sehemu ya juu ya kikasha chako. Lebo mpya zinaangazia mambo ambayo yanahitaji kushughulikiwa haraka, kama vile maulizo ya wageni kuhusu kuweka nafasi na maombi ya msaada wanapoingia.
Unatafuta mazungumzo mahususi? Unaweza bado kutafuta ujumbe kulingana na majina, maneno au mafungu ya maneno. Matokeo yanazingatia vichujio vyovyote ambavyo umetumia, hivyo kukusaidia kupata mazungumzo haraka.
Maboresho ya ujumbe yatazinduliwa katika miezi ijayo.
Taarifa zilizomo kwenye makala hii zinaweza kuwa zimebadilika tangu zilipochapishwa.