Jinsi ya kuandika kichwa kinachovutia
Kichwa chako ni fursa ya kuvuta uangalifu kwenye vitu ambavyo ni bora kwelikweli kuhusu sehemu yako. Sehemu ya kufurahisha ni kuamua jinsi ya kufanya hivyo kwa maneno machache yaliyoteuliwa.
Kwa sababu asilimia 75 ya utafutaji kwenye Airbnb hufanyika kwenye vifaa vya mkononi, vichwa havizidi jumla ya herufi 32, ikiwemo nafasi tupu. Hii huvizuia visikatwe kwenye simu mahiri na kompyuta kibao zenye skrini ndogo.
Hivi ndivyo unavyoweza kuandika kichwa kinachovutia:
- Weka maelezo bila kurudia taarifa. Si lazima uwaambie wageni kile ambacho tayari kimeonyeshwa katika matokeo ya utafutaji, kama vile jiji au mji wako na idadi ya jumla ya vitanda. Badala yake, onyesha vitu kuhusu sehemu yako ambavyo vinaweza kusaidia kuwavutia wageni, kama vile kistawishi bora au kivutio kilicho karibu.
- Epuka emoji na alama. Tumia tu maneno rahisi na yenye kufafanua (kama vile yenye starehe, inavutia, haina mapambo mengi au ina nafasi kubwa). Kutumia vibambo maalumu ni sawa, lakini usivirudie kwa ajili ya msisitizo (kama vile !!! au ***).
- Tumia mtindo wa sentensi, ambao mara nyingi ni rahisi kusoma. Mtindo wa sentensi unahitaji herufi ya kwanza ya neno la kwanza pekee iwe kubwa katika kichwa chako. Epuka kutumia herufi kubwa kwenye maneno mengine, isipokuwa iwe ni jina rasmi kama vile Yellowstone.
Ikiwa unatatizika kuifanya iwe fupi, jaribu zoezi hili:
- Fikiria kuhusu nini hufanya sehemu yako ivutie na uwe ya kipekee.
- Andika maneno machache yanayoielezea waziwazi kadiri iwezekanavyo.
- Usijaribu kusimulia hadithi nzima, waalike wageni wapate maelezo zaidi.
Hapa kuna mifano mitatu ya vichwa vyenye ufanisi vinavyoleta msukumo:
- Mapumziko ufukweni na kayaki
- Chumba cha wageni cha kimapenzi cha Victorian
- Studio inayotunza mazingira karibu na LAX
Je, huna uhakika kwamba umefanikiwa? Unaweza kubadilisha kichwa chako wakati wowote. Kwa kweli, Wenyeji wengi hubadilisha vichwa vyao wanapoweka vistawishi au kujifunza kile ambacho wageni wao wanapenda zaidi.