Jinsi ya kuamua iwapo sehemu yako ni ya kujitegemea au ya pamoja

Wakati wa kuchagua mahali pa kukaa, wageni wanataka kujua iwapo watashiriki sehemu hiyo au watakaa peke yao.

Airbnb hutoa machaguo matatu unapotangaza sehemu yako.

• Nyumba nzima: Wageni ndio watu pekee katika sehemu hiyo, ambayo pamoja na eneo la kulala kwa kawaida hujumuisha bafu, jiko na mlango tofauti wa kuingia.
• Chumba cha kujitegemea: Wageni wanakaa kwenye chumba wenyewe, pamoja na ufikiaji wa maeneo ya pamoja, ambayo yanaweza kujumuisha mlango wa kuingia, bafu na jiko.
• Chumba cha pamoja: Wageni wanalala katika eneo ambalo linaweza kushirikiwa na wewe au watu wengine, kama vile chumba ambacho kimegawanywa na kutumiwa na wageni ambao waliweka nafasi kivyao.

Katika hatua inayokaribia, tutakuomba uelezee eneo lako kwa maneno yako mwenyewe. Unaweza kujumuisha maelezo yanayofafanua sehemu ambazo ni za kujitegemea na za pamoja. Kwa mfano, ikiwa unakaribisha wageni kwenye nyumba nzima na utakuwa kwenye nyumba hiyo, unaweza kuandika: “Tunaishi katika nyumba tofauti ambayo inatumia ua wa nyuma na nyumba ya shambani ya wageni.”

Unaweza kusasisha maelezo ya tangazo lako wakati wowote ikiwa hali yako itabadilika.