Vidokezi 7 vya kukaribisha watu ambao wamekimbia mgogoro

Ikiwa umewahi kukaribisha wageni kupitia Airbnb, huenda umetumia saa nyingi kufikiria jinsi ya kuwafanya wageni wako wajihisi wamekaribishwa katika sehemu yako.

Unapokaribisha wageni kwenye ukaaji wa dharura kupitia Airbnb.org, unaweza pia kuzingatia jinsi ya kuwakaribisha wageni ambao wanaweza kupata kiwewe.

Watu ambao wameondoka nyumbani kwao wakitafuta usalama, wakati mwingine bila onyo, wanaweza kuwa na wasiwasi na matarajio tofauti ikilinganishwa na wasafiri wa burudani. Hiyo ndiyo sababu mojawapo ya Airbnb.org kushirikiana na mashirika yasiyotengeneza faida yanayojihusisha na usaidizi kwa watu wanaokimbia migogoro na majanga ya asili. Mashirika haya wakati mwingine hutoa huduma za mseto wakati wa ukaaji wa wageni wako.

Airbnb.org inatoa usaidizi maalumu kwa wateja kwa ajili yako na wageni wako ikiwa matatizo tata yatatokea. Pia huwasaidia wageni bila kujali utaifa, mbari, kabila au jinsi wanavyojitambulisha.

Ni vigumu kukadiria kupita kiasi thamani ya sehemu yenye starehe, salama na ya kujitegemea kwa familia ambayo imepatwa na kiwewe. Wengi hawajaweza kupata jiko ambapo wanaweza kupika au sebule ambapo wanaweza kukusanyika, tangu walipotoka nyumbani kwao.

Hizi ni hatua chache unazoweza kuchukua ili kufanya sehemu yako iwe yenye makaribisho zaidi:

• Tengeneza hali ya uchangamfu na starehe katika sehemu yako ili kuwasaidia watu kupumzika. Matandiko na taulo safi, vifaa vya msingi vya usafi na vitu muhimu vya jikoni vinaweza kusaidia watu kuhisi kama wanaweza kukaa, hata ikiwa wanakaa kwa siku chache tu.

• Baadhi ya wageni huenda wakawa na wasiwasi kuhusu usalama wao binafsi. Jaribu kuhakikisha kwamba barabara binafsi zinazoelekea kwenye nyumba na njia za kuingilia zina mwangaza wa kutosha. Hakikisha kwamba makufuli, luva na mapazia yote yanafanya kazi. Wajulishe ikiwa wanapaswa kutarajia kusikia kelele kubwa kama vile ndege zinazoruka moja kwa moja juu ya nyumba au wakusanyaji taka wanaoelekea kwenye nyumba asubuhi na mapema.

• Watu wanaopata kiwewe na mpito wanaweza kuwa na wakati mgumu kukumbuka taarifa. "Huwezi kufikiria kwa njia inayofaa; huwezi kuchanganua taarifa," alisema mgeni mmoja ambaye alikuwa amehamishwa wakati wa moto mkubwa huko California. “Hali hiyo inakulemea kiasi kwamba hujui hata jinsi ya kufanya mambo na inakaribia kukukatisha tamaa.” Vielelezo vinaweza kuwasaidia wageni wako. Unaweza kutoa chapisho lenye anwani ya tangazo lako na ramani ya kitongoji ambacho wageni wako wanaweza kupitia wakati wowote wanapohitaji.

• Ikiwa wewe na wageni wako hamzungumzi lugha moja, tafuta mashirika yasiyotengeneza faida ya eneo lako au biashara ambazo zinaweza kutoa nyenzo zilizotafsiriwa katika lugha ambayo mgeni anaelewa. Ikiwa mfanyakazi wa huduma za kijamii kutoka kwa mojawapo ya washirika wasiotengeneza faida wa Airbnb.org anawasaidia wageni wako, anaweza pia kukusaidia.

Kwa Wenyeji wengi, kuwa na uhusiano wa karibu na wageni ni mojawapo ya tuzo kubwa zaidi za kukaribisha wageni. Haya ni baadhi ya mambo ya kukumbuka unapowasiliana na wageni ambao huenda wamepatwa na kiwewe hivi karibuni.

• Uwazi na uthabiti ni muhimu sana. Wape wageni ilani mapema ikiwa mtu yeyote atakuja kufanya matengenezo ndani au karibu na nyumba na uwajulishe mapema ikiwa utahitaji kuwatembelea.

• Unapozungumza na wageni wako, jaribu kuzingatia maswali kuhusu ukaaji wao badala ya shida waliyopata hivi karibuni. Mary, ambaye aliwakaribisha watu kadhaa waliokimbia Ukrainia, alisema, “Niliuliza maswali ya jumla kama vile ‘Unatoka wapi?’ na ‘Safari yako ilikuwaje?’” Wageni wako watakujulisha ikiwa wangependa kuzungumza zaidi kuhusu yale waliyopitia, aliongezea. Kwa kuheshimu faragha yao, unawapa nafasi ya kujikusanya tena na kupata nguvu mpya.

• Wageni wako watakudokezea kuhusu jinsi ambavyo wangependa kuwasiliana na wewe. Baadhi yao wanaweza kutaka kuwa karibu na familia zao. Wengine wanaweza kuwasiliana nawe, wakikuomba uwasaidie kujenga uhusiano katika jumuiya.

Asante kwa utayari wako wa kutoa sehemu yako, wakati wako na fadhili zako. Ikiwa ungependa kupata taarifa zaidi kuhusu jinsi ya kujiandaa kwa ajili ya ukaaji wa dharura, utapata makala na video kwenye Mwongozo wa kukaribisha wageni wa Airbnb.org katika Kituo cha Nyenzo.