Kinachotarajiwa kutoka kwa Wenyeji na sehemu zao za kukaa

Kila Mwenyeji anapaswa kutimiza viwango hivi vya msingi ili wageni wake wawe na uzoefu wenye starehe na wa kuaminika.

Kile ambacho haturuhusu

• Kukaribisha wageni bila ruhusa na/au leseni zanazostahiki: Airbnb inahitaji kwamba Wenyeji wote waidhinishwe kukaribisha wageni na kwamba Wenyeji wazingatie sheria zote zinazohusika.
• Mawasiliano yasiyotegemeka: Wenyeji wanapaswa kuwa wanatoa majibu haraka na wawe tayari kujibu maswali kutoka kwa wageni au Airbnb ndani ya kiasi cha muda unaofaa na wafuate hatua za lazima kutoka Airbnb ili kutatua matatizo .
• Matangazo yasiyo sahihi: Nyumba ya Mwenyeji, mahali, aina ya tangazo, viwango vya faragha na vistawishi vinapaswa kuakisi kwa usahihi kile ambacho kiliandikwa katika maelezo ya tangazo wakati wa kuweka nafasi. Wenyeji wanaweza tu kurekebisha maelezo kwa nafasi iliyowekwa iliyokubaliwa baada ya mgeni kuridhia.
• Sehemu za kukaa zisizo na ulinzi: Wenyeji wanapaswa kuhakikisha kwamba kila sehemu ya kukaa inaweza kuwekewa ulinzi katika lango kuu la kuingia na funguo au misimbo ya ufikiaji inapaswa kutolewa kwa ajili ya sehemu kuu zote za kuingia.
• Uingiaji usiotegemeka: Wenyeji wanapaswa kuwapatia wageni taarifa sahihi ili waweze kufikia sehemu zao za kukaa wakati wa kuingia (kwa mfano, misimbo sahihi ya kuingia, maelekezo yanayoeleweka). Wenyeji wanaopanga kukutana na wageni wakati wa kuingia wanapaswa kuhakikisha kwamba wanakuwepo katika muda waliokubaliana. Matumizi ya masanduku ya kufuli au misimbo ya kuingia yanapaswa kubaki kuwa salama (mfano: badilisha misimbo baada ya nafasi iliyowekwa kukamilika).
• Sehemu za kukaa ambazo ni chafu: Nyumba ya Mwenyeji haipaswi kuwa na hatari za kiafya zinazojulikana (mfano: kuvu, wadudu, wadudu waharibifu), ikidhi kiwango cha juu kabisa cha usafi na isafishwe kila baada ya nafasi iliyowekwa kukamilika.
• Sehemu za kukaa zisizo salama: Wenyeji wanapaswa kuhakikisha kwamba sehemu za kukaa au Matukio hayana hatari za kiusalama ambazo hazijawekwa wazi (mfano: milango ya kupita wakati wa moto imefungwa, hatari za shoti ya umeme, sumu ya panya). Wenyeji wanapaswa kutatua hatari zozote za kiusalama ikiwa zimeibuliwa na mgeni au Airbnb.
• Kuweka Matangazo ya Wahusika Wengine kwa Bei ya Chini: Kutumia mhusika mwingine kuweka nafasi ya hoteli au malazi ya mhusika mwingine na kuitangaza kwenye Airbnb kwa bei ya juu, hakuruhusiwi. Wenyeji wanapaswa kuzingatia sheria mahususi za nyumba za pamoja au aina kama hizo za malazi wanapofikiria kutangaza au kutotangaza kwenye Airbnb.
• Kuwatumia vibaya wanyama: Sehemu za kukaa au Matukio ambayo yanawatumia vibaya wanyama hayana nafasi katika jumuiya yetu (mfano: bustani za wanyama kando ya barabara, matukio ya kuwinda wanyama kwa ajili ya tuzo). Wenyeji lazima wakidhi miongozo ya Airbnb kwa ajili ya ustawi wa wanyama.

Pata maelezo zaidi kuhusu sheria za msingi kwa ajili ya Wenyeji.

Tuko hapa kukusaidia

Ikiwa unashuhudia au unatendewa kwa njia ambayo inakwenda kinyume cha sera zetu, tafadhali tujulishe.