Sera ya Sababu Zisizozuilika na virusi vya korona (COVID-19)

ImesasishwaTarehe 31 Mei, 2022

Tarehe 11 Machi, 2020, Shirika la Afya Duniani (WHO) lilitangaza mlipuko wa ugonjwa wa virusi vya korona, unaojulikana kama COVID-19, kuwa janga la kimataifa. Tangu wakati huo, mlipuko huo umeenea haraka huku serikali ulimwenguni kote zikichukua hatua za haraka ili kupunguza kuenea kwa COVID-19.

Kwa sababu hiyo, tumetoa ulinzi ufuatao kwa COVID-19 chini ya sera yetu ya sababu zisizozuilika ili kusaidia kuilinda jumuiya yetu na kuleta utulivu wa akili.

Muhtasari

Nafasi zilizowekwa za sehemu za kukaa na Matukio ya Airbnb mnamo au kabla ya tarehe 14 Machi, 2020, zenye tarehe ya kuingia iliyo ndani ya siku 45 zijazo kuanzia leo, zinalindwa na sera hiyo na zinaweza kughairiwa kabla ya kuingia. Wageni ambao wanaghairi watakuwa na machaguo ya kughairi na kurejeshewa fedha na Wenyeji wanaweza kughairi bila tozo au athari kwa hadhi yao ya Mwenyeji Bingwa ikiwa wanaweza kutoa uthibitisho halali kwamba wanastahili. Airbnb itakurejeshea fedha au itatoa salio la safari ambalo linajumuisha ada zote za huduma kwa ajili ya ughairi unaolindwa. Ili ughairi chini ya sera hii, utatakiwa kuthibitisha ukweli wa na/au kutoa hati zinazothibitisha hali yako.

Sera ya kughairi ya Mwenyeji itatumika kama kawaida kwa nafasi zilizowekwa baada ya tarehe 14 Machi, 2020 na kabla ya tarehe 31 Mei, 2022, isipokuwa pale ambapo mgeni au Mwenyeji anaugua COVID-19.

Kwa nafasi zilizowekwa mnamo au baada ya tarehe 31 Mei, 2022, sera ya kughairi ya Mwenyeji itatumika. Hali zinazohusiana na COVID-19 hazitalindwa.

Ughairi utashughulikiwa kulingana na ulinzi wa sababu zisizozuilika wakati wa kuwasilisha na nafasi zilizowekwa ambazo zilikuwa tayari zimeghairiwa hazitazingatiwa tena.

Ikiwa nafasi iliyowekwa tayari imeshaanza (wakati wa kuingia umepita) sababu hii isiyozuilika haitumiki.

Sera tofauti zinatumika kwa nafasi zilizowekwa za ndani nchini Korea Kusini na nafasi zilizowekwa za Luxe.

Nafasi zilizowekwa ambazo zinalindwa

Nafasi zilizowekwa mnamo au kabla ya tarehe 14 Machi, 2020

Nafasi zilizowekwa za sehemu za kukaa na Matukio ya Airbnb mnamo au kabla ya tarehe 14 Machi, 2020, zenye tarehe ya kuingia iliyo ndani ya siku 45 zijazo kuanzia leo, zinaweza kughairiwa kabla ya kuingia. Hii inamaanisha kwamba wageni ambao wanaghairi chini ya sera hiyo watarejeshewa fedha zote taslimu au salio la safari kwa kiasi walicholipa (mahali ambapo salio la safari linapatikana), Wenyeji wanaweza kughairi chini ya sera hiyo bila tozo au athari kwenye hadhi yao ya Mwenyeji Bingwa na Airbnb itarejesha fedha au kutoa salio la safari kwa kiasi ambacho kinajumuisha ada zote za huduma.

Nafasi za sehemu za kukaa na Matukio ya Airbnb zilizowekwa mnamo au kabla ya tarehe 14 Machi, 2020, zenye tarehe ya kuingia iliyo ndani ya siku 45 zijazo kuanzia leo, hazilindwi kwa sasa kwa ajili ya hali zinazohusiana na COVID-19. Sera ya kughairi ya Mwenyeji itatumika kama kawaida.

Ikiwa nafasi iliyowekwa tayari imeshaanza (wakati wa kuingia umepita) sababu hii isiyozuilika haitumiki.

Nafasi zilizowekwa baada ya tarehe 14 Machi, 2020 na kabla ya tarehe 31 Mei, 2022

Kwa nafasi zilizowekwa kwa ajili ya sehemu za kukaa na Matukio ya Airbnb baada ya tarehe 14 Machi, 2020 na kabla ya tarehe 31 Mei, 2022, sera ya kughairi ya Mwenyeji itatumika kama kawaida na hali zinazohusiana na COVID-19 hazitalindwa chini ya sera yetu ya sababu zisizozuilika, isipokuwa pale ambapo mgeni au Mwenyeji anaugua COVID-19 kwa sasa. Hali zinazohusiana na COVID-19 ambazo hazilindwi ni pamoja na: kukatizwa na kughairiwa kwa usafiri; ushauri na vizuizi vya usafiri; ushauri wa afya na karantini; mabadiliko katika sheria inayotumika pamoja na amri nyingine za serikali, kama vile amri za kuwahamisha watu, kufungwa kwa mipaka, marufuku ya upangishaji wa muda mfupi na matakwa ya kuwataka watu wasitoke maeneo walipo.

Nafasi zilizowekwa mnamo au baada ya tarehe 31 Mei, 2022

Kwa sehemu za kukaa na Matukio ya Airbnb yaliyowekewa nafasi mnamo au baada ya tarehe 31 Mei, 2022, sera ya kughairi ya Mwenyeji itatumika. Hali zinazohusiana na COVID-19 hazitalindwa chini ya sera yetu ya sababu zisizozuilika.

Sera yetu ya sababu zisizozuilika imekusudiwa kuwalinda wageni na Wenyeji dhidi ya hali zisizotarajiwa zinazotokea baada ya kuweka nafasi. Baada ya tangazo la Shirika la Afya Duniani kwamba ugonjwa wa COVID-19 ni janga la kimataifa, sera ya sababu zisizozuilika haitatumika tena kwa sababu COVID-19 na athari zake hazipo tena miongoni mwa mambo yasiyotabirika au yasiyotarajiwa. Tafadhali kumbuka kutathmini kwa uangalifu sera ya kughairi ya Mwenyeji wakati wa kuweka nafasi na uzingatie kuchagua chaguo linalotoa kiwango cha uwezo wa kubadilika unaohitaji.

Jinsi inavyofanya kazi

Ikiwa wewe ni mgeni, unaweza kupata machaguo ya kughairi na kurejesha fedha kwa kwenda kwenye Ukurasa wa Safari na kuchagua safari yako—fahamu jinsi ya kufanya hivyo. Ikiwa wewe ni Mwenyeji, utapata taarifa katika dashibodi yako ya kukaribisha wageni.

Habari za hivi karibuni na nyenzo kuhusu virusi vya korona

Tumekusanya na kuhariri makala za kusaidia jumuiya yetu wakati huu katika Kituo cha Nyenzo. Unaweza kupata taarifa ya hivi karibuni kuhusu mwitikio wetu wa COVID-19, kuanzia mabadiliko ya sera hadi nyenzo kwa ajili ya Wenyeji na wageni.

Unaweza pia kusoma sera ya sababu zisizozuilika ili upate maelezo kuhusu kulindwa kwa hali zisizohusiana na COVID-19.

Tunawaomba wanajumuiya wote wazingatie heshima, ujumuishaji na sera yetu ya kutobagua wanapoingiliana na wanajumuiya wetu wengine.

Tutaendelea kutathmini matumizi ya sera hii. Tafadhali angalia ukurasa huu mara kwa mara kwa habari za hivi karibuni na taarifa mpya.